വിന്‍ഡീസ് ക്രിക്കറ്റ് താരം വെയ്ന്‍ ബ്രാവോയുമായി തെന്നിന്ത്യന്‍ താരം ശ്രേയയുടെ പേര് ഗോസിപ്പ് കോളങ്ങളില്‍ ഇടം പിടിച്ചിട്ട് കാലം കുറച്ചായി. പ്രണയമാണെന്ന റിപ്പോര്‍ട്ട് വന്നിട്ട് കുറച്ചുകാലമായി. .മുംബെയിലുള്ള ഒരു പ്രശസ്ത ഹോട്ടലില്‍ ഒരുമിച്ച് ഇരുവരും എത്തിയ ചിത്രങ്ങള്‍ രണ്ട് മാസം മുന്‍പ് വൈറലായിരുന്നു.

 ശ്രേയയുടെ കുടുംബത്തില്‍ ഇരുവരുടെയും ബന്ധം പൊട്ടിത്തെറിയുണ്ടാക്കി എന്നാണ് റിപ്പോര്‍ട്ട്.  കുടുംബത്തില്‍ നിന്നും വേറിട്ട് മുംബൈയിലാണ് താരം ഇപ്പോള്‍ താമസിക്കുന്നതെന്നും റിപ്പോര്‍ട്ടുകള്‍ സൂചിപ്പിക്കുന്നു. കുടുംബത്തിലെ പ്രശ്നങ്ങള്‍ താരത്തിന്‍റെ കരിയറിനെയും ബാധിക്കുന്നു എന്നാണ് റിപ്പോര്‍ട്ട്. അടുത്തിടെ തമിഴിലെയും തെലുങ്കിലെയും മുന്‍നിര ചിത്രങ്ങള്‍ ശ്രേയയ്ക്ക് നഷ്ടമായിരുന്നു. ബ്രാവോയുമായി വിവാഹത്തിന് താരം ഒരുങ്ങുന്നു എന്ന വാര്‍ത്തകളും സജീവമാണ്.

അന്തരിച്ച തമിഴ്‌നാട് മുഖ്യമന്ത്രി ജെ ജയലളിതയുടെ ജീവിതത്തെക്കുറിച്ച് ഇപ്പോള്‍ മരണത്തെക്കുറിച്ചും ഒട്ടേറേ അഭ്യൂഹങ്ങളാണ് നിലനില്‍ക്കുന്നത്. എംജിആറുമായും തെലുങ്ക് നടന്‍ ശോഭന്‍ ബാബുവുമായും ഉണ്ടായിരുന്ന ബന്ധത്തെക്കുറിച്ച് ഒട്ടേറേ കഥകള്‍ പ്രചരിക്കുന്നുണ്ട്. ജയലളിതയുടെ ജീവിതത്തില്‍ അവ്യക്തമായ ചില ഏടുകള്‍ ഉണ്ടെന്നത് വാസ്തവമാണ്. എന്നാല്‍ അതു മുതലാക്കി വ്യാജ പ്രചാരണം നടത്തുകയാണ് ഇപ്പോള്‍ ചിലര്‍ ചെയ്യുന്നത്.

രഞ്ജിനിയും സന്തോഷ്പണ്ഡിറ്റും റിമിടോമിയും ഒരുമിച്ച്? വിഡിയോ കാണാം

ശോഭന്‍ ബാബുവില്‍ ജയലളിതയ്ക്ക് ഉണ്ടായ മകള്‍ എന്ന പേരില്‍ ജയലളിതയുടെ നേരിയ ഛായയുള്ള ഒരു യുവതിയുടെ ഫോട്ടോ കഴിഞ്ഞ ദിവസങ്ങളില്‍ സോഷ്യല്‍ മീഡിയയില്‍ പ്രചരിച്ചിരുന്നു. അമേരിക്കയിലാണ് ഈ മകള്‍ എന്നും ഇതിനൊപ്പം ഉണ്ടായിരുന്നു. എന്നാല്‍ ഇതിന്റെ സത്യാവസ്ഥ വെളിപ്പെടുത്തി രംഗത്തെത്തിയിരിക്കുകയാണ് ഗായിക ചിന്മയി. തന്റെ ബന്ധത്തിലുള്ള തിരുവന്തപുരം സ്വദേശി ദിവ്യ രാമനാഥന്റെതാണ് ആ ഫോട്ടോയെന്നാണ് ചിന്മയി വ്യക്തമാക്കിയത്. ഭര്‍ത്താവിനൊപ്പം ഓസ്‌ട്രേലിയയിലാണ് ദിവ്യ താമസിക്കുന്നത്. തന്റെ സഹോദരന്റെ ഭാര്യയാണിതെന്ന് വ്യക്തമാക്കി മൃദംഗ കലാകാരന്‍ ട്രിവാണ്ട്രം ബാലാജിയും രംഗത്തെത്തിയിട്ടുണ്ട്.

മോഹന്‍ലാലിന് ആദര സൂചകമായി നല്‍കിയ ടെറിട്ടോറിയല്‍ ആര്‍മിയിലെ ലെഫ്റ്റനന്റ് കേണല്‍ പദവി തിരിച്ചെടുത്തേക്കും. പദവിയുടെ ഭാഗമായ ചിട്ടകള്‍ പാലിക്കുന്നതില്‍ മോഹന്‍ലാല്‍ വീഴ്ച വരുത്തിയെന്നാണ് ചൂണ്ടിക്കാട്ടിയാണ് പദവി തിരിച്ചെടുക്കണമെന്ന് പ്രതിരോധ മന്ത്രാലയത്തോട് സൈനിക ഉദ്യോഗസ്ഥര്‍ ആവശ്യപ്പെട്ടിട്ടുള്ളത്.
2010 ഡിസംബര്‍ ഒന്ന് മുതല്‍ 2011 ജനുവരി 15വരെ നടന്ന ഗ്രാന്റ് കേരള ഷോപ്പിംഗ് ഫെസ്റ്റിവല്ലിന്റെ പരസ്യത്തിലും അതിനു മുമ്പ് മലബാര്‍ ഗോള്‍ഡിന്റെ പരസ്യത്തിലും ലാല്‍ പട്ടാള യൂണിഫോമിലെത്തിയത് വിവാദമായിരുന്നു. തന്റെ സൈനിക പദവിയെ വാണിജ്യ ആവശ്യത്തിന് ലാല്‍ ദുരുപയോഗം ചെയ്‌തെന്നാണ് വിലയിരുത്തല്‍. ആനക്കൊമ്പ് കേസും ലാലിന് പ്രതികൂലമായിട്ടുണ്ട്. നോട്ട് അസാധുവാക്കല്‍ വിഷയത്തിലും ഡെല്‍ഹി ജെഎന്‍യു വിഷയത്തിലുമെല്ലാം ബ്ലോഗില്‍ അഭിപ്രായം രേഖപ്പെടുത്തിയപ്പോള്‍ സൈനികരുടെ ത്യാഗത്തെ കുറിച്ച് ലാല്‍ ചേര്‍ത്തുവെച്ചതും വിമര്‍ശനങ്ങള്‍ക്കിടയാക്കിയിരുന്നു.

ദിലീപും കാവ്യമാധവനും തമ്മിലുള്ള വിവാഹ വാര്‍ത്ത പുറത്തുവന്നയുടന്‍ അവര്‍ക്ക് ആശംസകള്‍ നേരുന്നതിനൊപ്പം നിരവധി അധിക്ഷേപങ്ങളും ഇരുവര്‍ക്കും നേരേ ഉയര്‍ന്നു. മഞ്ജുവാര്യരുമൊത്തുള്ള ദാമ്പത്യത്തിന്റെ തകര്‍ച്ചയ്‌ക്കൊപ്പം തന്നെ ദിലീപിനൊപ്പം ഗോസിപ്പു കോളങ്ങളില്‍ നിറഞ്ഞ പേരായിരുന്നു കാവ്യയുടേത് എന്നതു തന്നെയായിരുന്നു നവദമ്പതികളെ ആക്ഷേപിക്കാന്‍ ഇറങ്ങിയവര്‍ കണ്ടെത്തിയ ന്യായം. ആദ്യ ദാമ്പത്യത്തില്‍ കാവ്യ കാരണമല്ല പ്രശ്‌നങ്ങള്‍ ഉണ്ടായതെന്ന് ഇതു തിരിച്ചറിഞ്ഞു തന്നെയാകണം ദിലീപ് പ്രതികരിച്ചത്. മുഖ്യധാര മാധ്യമങ്ങളെല്ലാം അവരുടെ സ്വകാര്യതയ്ക്ക് പ്രാധാന്യം നല്‍കി വാര്‍ത്തകള്‍ നല്‍കിയപ്പോള്‍ ഫേസ്ബുക്കിലെ ദിലീപിന്റെയും കാവ്യയുടെയും പേജിലും അല്ലാതെയുമായി ആക്ഷേപങ്ങളും ശകാരങ്ങളും ചൊരിയുകയായിരുന്നു നിരവധി പേര്‍.

പ്രണയം തിരിച്ചുപിടിക്കുന്ന ഉലഹന്നാനെ കുറിച്ച് മോഹന്‍ലാല്‍

ദിലീപ്, കാവ്യ, മഞ്ജു എന്നിവര്‍ക്കിടയില്‍ സംഭവിച്ചത് എന്ന രീതിയില്‍ പലവാര്‍ത്തകളും ഓണ്‍ലൈന്‍ മാധ്യമങ്ങളില്‍ പ്രത്യക്ഷപ്പെട്ടു. ഭാവനയും ചിലതില്‍ പ്രാധാന്യത്തോടെ എത്തി. ദിലീപിന്റെയും മഞ്ജുവിന്റെയും മകള്‍ മീനാക്ഷിയും കേട്ടു അച്ഛന്റെ കല്യാണത്തിന് കൂട്ട് നിന്നതിന് ഏറെ ശകാരം. ഇത്തരം വാര്‍ത്തകള്‍ക്കും അധിക്ഷേപങ്ങള്‍ക്കുമെതിരേ നിയമനടപടിക്ക് ഒരുങ്ങുകയാണ് ദിലീപിന്റെയും കാവ്യയുടെയും കുടുംബം. നേരത്തേ കാവ്യയുടെ സഹോദരന്‍ തന്റെ പേര് ചേര്‍ത്ത് ഇറങ്ങിയ പ്രചാരണങ്ങള്‍ക്കെതിരേ സൈബര്‍ സെല്ലിനെ സമീപിച്ചിരുന്നു. തെറ്റായ വാര്‍ത്തകള്‍ക്കെതിരേ നിയമ നടപടി സ്വീകരിക്കുമെന്ന് ഭാവനയും വ്യക്മാക്കിയിട്ടുണ്ട്. താനാണ് കാവ്യയുമൊത്തുള്ള ദിലീപിന്റെ വിവാഹം ആസൂത്രണം ചെയ്തതെന്ന വാര്‍ത്തകള്‍ക്കെതിരേ നാദിര്‍ഷയും രംഗത്തെത്തിയിരുന്നു.