സൂപ്പര്‍ സംവിധായകന്‍ മണിരത്നത്തിന്റെ അടുത്ത ചിത്രത്തെപ്പറ്റി ഏറെ വാര്‍ത്തകള്‍ പ്രചരിപ്പിക്കപ്പെടുന്നുണ്ട്. ദുല്‍ഖര്‍ സല്‍മാനും കാര്‍ത്തിയും മുഖ്യവേഷങ്ങളിലെത്തുന്ന ചിത്രമാകും അത് എന്നായിരുന്നു ആദ്യം വന്ന റിപ്പോര്‍ട്ടുകള്‍. എന്നാല്‍ പിന്നീട് നാനി ദുല്‍ഖറിന് പകരമെത്തുന്നു എന്നും വാര്‍ത്തകളെത്തി. ഇപ്പോഴിതാ നാനി തന്നെ കാര്യങ്ങള്‍ വ്യക്തമാക്കിയിരിക്കുകയാണ്. താന്‍ മണിരത്‌നം ചിത്രത്തില്‍ അടുത്തു തന്നെ ഒരു പ്രധാന വേഷത്തില്‍ എത്തുന്നുണ്ടെങ്കിലും അത് കാര്‍ത്തി നായകനാകുന്ന ചിത്രമല്ല എന്നാണ് നാനി വെളിപ്പെടുത്തുന്നത്.
മമ്മൂട്ടിയും ജീത്തും ജോസഫും ഒന്നിക്കുന്നു
കാര്‍ത്തിയാകും മണിരത്നത്തിന്റെ അടുത്ത ചിത്രത്തിലെ നായകന്‍ എന്ന് ഉറപ്പായതോടെ നായികയെ കുറിച്ചും വിശ്വസനീയമായ വിവരങ്ങള്‍ കിട്ടിത്തുടങ്ങി. സായ്പല്ലവിയാകും നായികാ വേഷത്തില്‍ അടുത്ത മണിരത്‌നം ചിത്രത്തില്‍ ഉണ്ടാവുക. പ്രേമത്തിലെ തമിഴ് പെണ്‍കൊടി മലരായി തമിഴകത്തും ഏറെ ആരാധകരെ സ്വന്തമാക്കിയ നടിയാണ് സായ് പല്ലവി.