പുലി മുരുകനിലെ സ്റ്റണ്ട് രംഗം വൈറലാകുന്നു
ലാല്‍ ആരാധകര്‍ ഏറെക്കാലമായി ആകാംക്ഷയോടെ കാത്തിരിക്കുന്ന ചിത്രമാണ് പുലി മുരുകന്. വൈശാഖ് സംവിധാനം ചെയ്യുന്ന ചിത്രം ഷൂട്ടിംഗ് ആരംഭിച്ചിട്ട് ഏറെക്കാലമായെങ്കിലും ഫസ്റ്റ്‌ലുക്ക് ഒഴികെയുള്ള മറ്റ് വിശദാംശങ്ങളൊന്നും വെളിവായിട്ടില്ല. ചിത്രത്തിന്റെ ഷൂട്ടിംഗ് സ്റ്റില്ലുകളും അധികൃതര്‍ പുറത്തുവിട്ടിട്ടില്ല. ഇന്ത്യയിലെ ഏറ്റവും മികച്ച സ്റ്റണ്ട് കൊറിയോഗ്രാഫര്‍മാരില്‍ ഒരാളായ പീറ്റര്‍ ഹെയ്ന്‍ ഒരുക്കുന്ന സംഘടന രംഗങ്ങളാണ് ചിത്രത്തിന്റെ ഒരു സവിശേഷത. അടുത്തിടെ ഏഷ്യാനെറ്റ് ഫിലിം അവാര്‍ഡ് വിതരണ ചടങ്ങില്‍ സംഘടന രംഗങ്ങളുടെ ഒരു 2 സെക്കന്റ് വിഡിയോ പുറത്തുവിടാന്‍ പുലി മുരുകന് ടീം തയാറായി.
അല്‍ഭുതപ്പെടുത്തുന്ന ആക്ഷന്‍ പ്രകടനമാണ് ലാല്‍ നടത്തുന്നതെന്ന് ആരാധകര്‍ പറയുന്നു. റെസ്ലിംഗ് മല്‍സരങ്ങളെ അനുസ്മരിപ്പിക്കുന്ന രംഗമാണ് ഇത്. എന്തായാലും ഇതിന്റെ ചിത്രം ഇപ്പോള്‍ സോഷ്യല്‍ മീഡിയയില്‍ വൈറലാകുകയാണ്. കേരളത്തിനു പുറത്തുപോലും ഫെയ്‌സ്ബുക്ക് ട്രെന്‍ഡിംഗ് ആവാന്‍ ഈ ചിത്രത്തിലൂടെ പുലി മുരുകന് സാധിച്ചു.