വേലൈക്കാരന്റെ സെറ്റില്‍ ഫഹദ് ഫാസിലിന്റെ പിറന്നാളാഘോഷം

മലയാളത്തിന്റെ യുവനിരയിലെ നടന ചാരുത ഫഹദ് ഫാസിലിന്റെ ജന്മദിനമായിരുന്നു ഇന്നലെ. തന്റെ ആദ്യ തമിഴ് ചിത്രം വേലൈക്കാരന്റെ സെറ്റിലാണ് ഫഹദ് ഇപ്പോഴുള്ളത്. ചിത്രത്തിലെ ഫഹദിന്റെ ലുക്ക് പോസ്റ്റര്‍ ഇറക്കിയാണ് വേലൈക്കാരന്‍ ടീം ഫഹദിന്റെ ജന്‍മ ദിനം ആഘോഷിച്ചത്. ഈ പോസ്റ്റര്‍ പതിച്ച കേക്കുമായി സെറ്റില്‍ പിറന്നാള്‍ ആഘോഷവും നടന്നു. സംവിധായകന്‍ മോഹന്‍രാജയും നടന്‍ ശിവ കാര്‍ത്തികേയനുമെല്ലാം ഫഹദിന് ആശംസകളുമായെത്തി.