റോഷന്‍ ആന്‍ഡ്രൂസിന്‍റെ (Roshan Andrews) സംവിധാനത്തില്‍ നിവിന്‍ പോളി (Nivin Pauly) മുഖ്യ വേഷത്തിലെത്തുന്ന ‘സാറ്റര്‍ഡേ നൈറ്റ്സ്’ നവംബര്‍ 4ന് തിയറ്ററുകളിലെത്തും. റിലീസ് തീരുമാനം ഒന്നിലേറേ തവണ നീട്ടിവെച്ച ശേഷമാണ് ഇപ്പൊള്‍ നിവിനിന്‍റെ ജന്മദിനത്തില്‍ പുതുക്കിയ റിലീസ് തീയതി പ്രഖ്യാപിച്ചിട്ടുള്ളത്. ചിത്രം ഫണ്‍ എന്‍റര്‍ടെയ്നര്‍ സ്വഭാവത്തിലുള്ളതാണ്.അജിത്ത് വിനായക ഫിലിംസിന്റെ ബാനറിൽ വിനായക അജിത്താണ് ചിത്രം നിർമിക്കുന്നത്.
ദുബായ്‌, ബെംഗളൂർ, മൈസൂർ എന്നിവയാണ് പ്രധാന ലൊക്കേഷനുകള്‍. സിജു വിൽസൻ, സൈജു കുറുപ്പ്, അജു വർഗീസ്, സാനിയ ഇയ്യപ്പൻ എന്നിവരും ചിത്രത്തില്‍ പ്രധന വേഷങ്ങളിലുണ്ട്. നവീന്‍ ഭാസ്‍കറാണ് തിരക്കഥ ഒരുക്കുന്നത്. ആർ. ദിവാകരൻ ഛായാഗ്രഹണം നിർവഹിച്ച ചിത്രത്തിനായി ജേക്സ് ബിജോയ് സംഗീതം ഒരുക്കിയിരിക്കുന്നു.