കലാഭവന് മണിയുടെ ജീവിത അനുഭവങ്ങളെ അടിസ്ഥാനമാക്കി വിനയന് സംവിധാനം ചെയ്ത ചാലക്കുടിക്കാരന് ചങ്ങാതിക്ക് മികച്ച പ്രതികരണം. ആദ്യ ദിനത്തില് പല പ്രേക്ഷകരും നിറകണ്ണുകളോടെയാണ് തിയറ്റര് വിട്ടത്. അടുത്ത കാലത്ത് ഒരു വിനയന് ചിത്രത്തിനു ലഭിക്കുന്ന ഏറ്റവും മികച്ച റിലീസാണ് ചാലക്കുടിക്കാരന് ചങ്ങാതി സ്വന്തമാക്കിയിരിക്കുന്നത്.
സാമൂഹ്യമായും സാമ്പത്തികമായും ഒട്ടേറേ പ്രതിബന്ധങ്ങള് നിറഞ്ഞ സാഹചര്യങ്ങള് മറികടന്ന് മലയാള സിനിമയിലും സ്റ്റേജ് ഷോകളിലും കാസറ്റ് വിപണിയിലും നാടന് പാട്ടിലും പൊരുതിനിന്ന് ജയിച്ച കലാഭവന് മണിയോട് മലയാളികള്ക്കുള്ള പ്രിയം തന്നെയാണ് ഇതിന് പിന്നില്.
മണി നേരിടേണ്ടി വന്ന അവഗണനയും ചിത്രം വിഷയമാക്കുന്നുണ്ട്. ഹണി റോസാണ് ചിത്രത്തില് നായികയാകുന്നത്. രാജാമണിയാണ് കലാഭവന് മണിയെ ശരിക്കും അനുസ്മരിപ്പിക്കും വിധം നായക കഥാപാത്രത്തെ മികവുറ്റതാക്കിയത്. ചിത്രം എറണാകുളത്തെ സവിതാ തിയറ്ററില് നിന്ന് ആദ്യം ദിനം തന്നെ കണ്ടുവെന്ന് ഹണി റോസ് പറയുന്നു. താന് അഭിനയിച്ച ചിത്രം കണ്ട് കണ്ണു നിറയുന്ന അനുഭവം തനിക്ക് ആദ്യമാണെന്നും ഹണി റോസ് കൂട്ടിച്ചേര്ത്തു.
കൂടുതല് സിനിമാ വിശേഷങ്ങള്, ട്രെയ്ലറുകള്, ലൊക്കേഷന് വിഡിയോകള്, സെലിബ്രിറ്റി ഫോട്ടോഷൂട്ടുകള്, ഫോട്ടാകള് എന്നിവയ്ക്ക് 9447523755 എന്ന നമ്പര് സേവ് ചെയ്ത് cinema എന്നു വാട്ട്സാപ്പ് ചെയ്യൂ