ഉണ്ണി മുകുന്ദന്‍ (Unnimukundan) മുഖ്യ വേഷത്തില്‍ എത്തുന്ന ‘ഷെഫീക്കിന്‍റെ സന്തോഷം’ (Shefeekkinte Santhosham) ജനുവരി 6 മുതല്‍ സിംപ്ലി സൌത്ത് പ്ലാറ്റ്ഫോമില്‍ പ്രദര്‍ശനത്തിന് ലഭ്യമാകും. അനൂപ് പന്തളം (Anoop Panthalam) സംവിധാനം ചെയ്ത ചിത്രം ഉണ്ണിമുകുന്ദനും ബാദുഷയും ചേര്‍ന്നാണ് നിര്‍മിച്ചത്. തിയറ്ററുകളില്‍ പുറത്തിറങ്ങിയ ചിത്രത്തിന് കാര്യമായ പ്രകടനം നടത്താന്‍ സാധിച്ചിരുന്നില്ല. ഷാന്‍ റഹ്മാന്‍ ചിത്രത്തിന് സംഗീതം നല്‍കിയിരിക്കുന്നു. മനോജ് കെ. ജയന്‍, ബാല, ദിവ്യ പിള്ള, ആത്മീയ രാജന്‍ എന്നിവര്‍ മറ്റു പ്രധാന വേഷങ്ങളില്‍ എത്തുന്നു.
ഈരാറ്റുപേട്ട പ്രധന ലൊക്കേഷനാകുന്ന ചിത്രത്തില്‍ ഷഹീന്‍ സിദ്ധിക്ക്, മിഥുന്‍ രമേഷ്, സ്മിനു സിജോ, ബോബൻ സാമുവൽ, ഹരീഷ് പേങ്ങൻ, അസീസ് നെടുമങ്ങാട്, പൊള്ളാച്ചി രാജാ, ജോര്‍ഡി പൂഞ്ഞാര്‍ തുടങ്ങിയവരും അഭിനേതാക്കളായി ഉണ്ട്. എല്‍ദോ ഐസക് ഛായാഗ്രഹണം നിര്‍വഹിച്ച ചിത്രത്തിന് നൌഫല്‍ അബ്ദുള്ള എഡിറ്റിംഗ് നിര്‍വഹിച്ചു.