മമ്മൂട്ടി ചിത്രം റോഷാക്ക്-ന്‍റെ മേക്കിംഗ് വിഡിയോ പുറത്തിറങ്ങി. നിസ്സാം ബഷീർ സംവിധാനം ചെയ്ത ചിത്രം മലയാളത്തില്‍ ഇന്നുവരെ വരാത്ത രീതിയിലുള്ള അവതരണ രീതിയും ശൈലിയും ഉള്ള പ്രതികാര കഥയാണ്. ആഗോള ബോക്സ് ഓഫിസില്‍ 40 കോടിക്ക് അടുത്ത് ഗ്രോസ് കളക്ഷനാണ് ചിത്രം നേടിയിട്ടുളളത്. മൊത്തം 70 കോടിയുടെ ബിസിനസ് ചിത്രം സൃഷ്ടിച്ചുവെന്നാണ് അണിയറ പ്രവര്‍ത്തകര്‍ വ്യക്തമാക്കുന്നത്.
മമ്മൂട്ടി കമ്പനിയുടെ ബാനറില്‍ 6 കോടിക്കടുത്ത് ചെലവിട്ട് നിര്‍മിച്ച ചിത്രം ബിസിനസില്‍ ഉള്‍പ്പെട്ട എല്ലാവര്‍ക്കും ലാഭം നല്‍കുന്ന തരത്തിലേക്ക് എത്തി. കൊച്ചിയിലും ദുബായിലുമായിട്ടാണ് ചിത്രത്തിന്റെ ഷൂട്ടിംഗ് പൂർത്തീകരിച്ചത്. ആസിഫ് അലി ചിത്രത്തില്‍ പ്രധാനപ്പെട്ടൊരു അതിഥി വേഷത്തിലെത്തി. ഷറഫുദ്ധീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, സഞ്ജു ശിവറാം, കോട്ടയം നസീർ, ബാബു അന്നൂർ, മണി ഷൊർണ്ണൂർ തുടങ്ങിയവരും ചിത്രത്തിൽ അഭിനയിക്കുന്നുണ്ട്. അഡ്വേഞ്ചേഴ്‌സ് ഓഫ് ഓമനക്കുട്ടൻ, ഇബ്‌ലീസ് എന്നീ ചിത്രങ്ങൾക്ക് തിരക്കഥ ഒരുക്കിയ സമീർ അബ്ദുളാണ് തിരക്കഥ ഒരുക്കിയിരിക്കുന്നത്.
പ്രോജെക്ട് ഡിസൈനർ :ബാദുഷ, ചിത്രസംയോജനം :കിരൺ ദാസ്, സംഗീതം :മിഥുൻ മുകുന്ദൻ, കലാസംവിധാനം :ഷാജി നടുവിൽ, പ്രൊഡക്ഷൻ കൺട്രോളർ : പ്രശാന്ത് നാരായണൻ, ചമയം : റോണക്സ് സേവ്യർ & എസ്സ് ജോർജ്, വസ്ത്രാലങ്കാരം:സമീറ സനീഷ് , പി ആർ ഓ : പ്രതീഷ് ശേഖർ എന്നിവരാണ് അണിയറ പ്രവർത്തകർ.