ജുനൈസ് മുഹമ്മദിന്റെ സംവിധാനത്തില്‍ ഒരുങ്ങുന്ന സയന്‍സ് ഫിക്ഷന്‍ ചിത്രം നയന്‍ പ്രഖ്യാപിച്ചു. ചിത്രത്തില്‍ ഒരു ശാസ്ത്രജ്ഞന്റെ വേഷമാണ് പ്രിഥ്വിരാജിന്. 100 ഡേയ്‌സ് ഓഫ് ലൗ എന്ന ദുല്‍ഖര്‍ ചിത്രത്തിനു ശേഷം ജുനൈസ് സംവിധാനം ചെയ്യുന്ന ചിത്രമാണിത്.
ഓഗസ്റ്റ് സിനിമാസിലെ പങ്കാളിത്തം അവസാനിപ്പിച്ച ശേഷം പ്രിഥ്വിരാജ് ആദ്യമായി നിര്‍മിക്കുന്ന ചിത്രം എന്ന സവിശേഷതയും നയനുണ്ട്. സോണി പിക്‌ചേര്‍സുമായി സഹകരിച്ചാണ് പ്രിഥ്രിരാജ് പ്രൊഡക്ഷന്‍സ് ചിത്രം അവതരിപ്പിക്കുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്ററും പുറത്തിറങ്ങി
ഒമ്പത് ദിവസങ്ങളിലായാണ് ചിത്രത്തിന്റെ കഥ നടക്കുന്നത്. ആടു ജീവിതത്തിന്റെ ആദ്യ ഷെഡ്യൂള്‍ പൂര്‍ത്തിയാക്കിയ ശേഷം പ്രിഥ്വി ഈ ചിത്രത്തില്‍ ജോയിന്‍ ചെയ്യും. അടുത്ത മാസം തിരുവനന്തപുരത്ത് ഷൂട്ടിംഗ് തുടങ്ങുമെന്നാണ് അറിയുന്നത്. മണാലിയിലും ഷൂട്ടിംഗുണ്ട്. രണ്ട് നായികമാരാണ് ഉണ്ടാകുക.
Tags:junais muhammadNinePrithviraj
About The Author
