നവാഗതനായ സംഗീത് പി രാജന്‍ സംവിധാനം ചെയ്ത് ബേസില്‍ ജോസഫ് നായകനായെത്തുന്ന ‘പാല്‍തു ജാന്‍വര്‍’-ന്‍റെ ഒടിടി റിലീസ് പ്രഖ്യാപിച്ചു. നേരത്തേ തിയറ്ററുകളില്‍ വിജയം നേടിയ ചിത്രം ഒക്റ്റോബര്‍ 14 മുതല്‍ ഡിസ്നി പ്ലസ് ഹോട്ട്സ്റ്റാറില്‍ പ്രദര്‍ശനം തുടങ്ങുന്നു. ഭാവന സ്റ്റുഡിയോസിന്റെ ബാനറില്‍ ഫഹദ് ഫാസില്‍, ദിലീഷ് പോത്തന്‍, ശ്യാം പുഷ്‌കരന്‍ എന്നിവര്‍ ചേര്‍ന്നു നിര്‍മിച്ച ചിത്രം ഫ എന്റർടെയ്നർ സ്വഭാവത്തിലുള്ളതാണ്.
വിനോയ് തോമസ്, അനീഷ് അഞ്ജലി എന്നിവരാണ് ചിത്രത്തിനായി രചന നിര്‍വഹിച്ചിരിക്കുന്നത്. ഇന്ദ്രന്‍സ്, ജോണി ആന്‍റണി, ദിലീഷ് പോത്തന്‍, ഷമ്മി തിലകന്‍, ശ്രുതി സുരേഷ്, ജയാ കുറുപ്പ് തുടങ്ങിയവരാണ് മറ്റ് പ്രധാന വേഷങ്ങളിലെത്തുന്നത്.സംഗീതം – ജസ്റ്റിന്‍ വര്‍ഗീസ്, കല സംവിധാനം – ഗോകുല്‍ ദാസ്. എഡിറ്റിങ്ങ് – കിരണ്‍ ദാസ്. അമല്‍ നീരദ്, മിഥുന്‍ മാനുവല്‍ തോമസ് എന്നിവരുടെ അസോസിയേറ്റായായിരുന്നു സംഗീത് പി. രാജന്‍.