സുരേഷ്ഗോപി ചിത്രം കാവലിന്‍റെ പോസ്റ്റ് പ്രൊഡക്ഷന്‍ അന്തിമ ഘട്ടത്തിലാണ്. കസബയ്ക്കു ശേഷം നിഥിന്‍ രണ്‍ജി പണിക്കര്‍ സംവിധാനം ചെയ്യുന്ന രണ്ടാമത്തെ ചിത്രമാണ് കാവല്‍. ചിത്രം ഒടിടി റിലീസ് പരിഗണിക്കുന്നുവെന്ന അഭ്യൂഹങ്ങളെ സംവിധായകന്‍ നിതിന്‍ രണ്‍ജി പണിക്കര്‍ തള്ളിപ്പറഞ്ഞിരിക്കുകയാണ്. തിയറ്ററില്‍ ഇരുന്ന് ആസ്വദിക്കാവുന്ന തരത്തില്‍ മാസ് ഘടകങ്ങളോടെ ഒരുക്കിയ ചിത്രം എന്ന നിലയില്‍ തിയറ്ററുകള്‍ തുറക്കുമ്പോള്‍ മാത്രം കാവല്‍ റിലീസ് ചെയ്യുമെന്ന് നിതിന്‍ വ്യക്തമാക്കിയെന്ന് സുരേഷ്ഗോപി ആരാധകരുടെ ഒഫീഷ്യല്‍ പേജില്‍ പറയുന്നു. ഏറെക്കാലത്തിനു ശേഷം ‘വരനെ ആവശ്യമുണ്ട്’ എന്ന ചിത്രത്തിലൂടെ സിനിമയിലേക്ക് മികച്ച തിരിച്ചുവരവ് നടത്തിയ സുരേഷ് ഗോപി തനിക്ക് ഏറെ ആരാധകരെ നേടിത്തന്ന മാസ് ശൈലിയിലേക്ക് തിരിച്ചെത്തുകയാണ് ഈ ചിത്രത്തിലൂടെ.
നിതിനിന്‍റഎ അച്ഛന്‍ രണ്‍ജി പണിക്കരും പ്രധാന വേഷത്തിലുണ്ട്. സയാ ഡേവിഡ് ആണ് മുഖ്യ സ്ത്രീകഥാപാത്രം. . രണ്ട് ഗെറ്റപ്പുകളിലാകും സുരേഷ് ഗോപിയും രണ്‍ജിയും ചിത്രത്തില്‍ ഉണ്ടാകുക, ചെറുപ്പവും പ്രായമായതും. രണ്ട് ഷെയ്ഡുകള്‍ സുരേഷ് ഗോപിയുടെ കഥാപാത്രത്തിനുണ്ടെന്നും മുന്‍ കാലങ്ങളിലേതു പൊലെ ഒരു പവര്‍ പാക്ക്ഡ് കഥാപാത്രമായിരിക്കും ഇതെന്നും നിഥിന്‍ പറയുന്നു. ഐ എം വിജയന്‍, അലന്‍സിയര്‍, പത്മരാജ് രതീഷ്, സുജിത് ശങ്കര്‍, സന്തോഷ് കീഴാറ്റൂര്‍, കിച്ചു ടെല്ലസ്, ബിനു പപ്പു, മോഹന്‍ ജോസ്,കണ്ണന്‍ രാജന്‍ പി ദേവ്,മുരുകന്‍,മുത്തുമണി തുടങ്ങിയവരാണ് മറ്റു പ്രമുഖ താരങ്ങള്‍. ഛായാഗ്രഹണം നിഖില്‍ എസ് പ്രവീണ്‍. സംഗീതം രഞ്ജിന്‍ രാജ്, എഡിറ്റര്‍ മന്‍സൂര്‍ മുത്തൂട്ടി.
Suresh Gopi starrer Kaaval will only release in theaters. The Nithin Ranji Panikkar directorial has Ranji Panikkar and Zaya David in pivotal roles.