മലയാളത്തില്‍ തുടര്‍ വിജയങ്ങളിലൂടെ ശ്രദ്ധേയയായ നിഖില വിമല്‍ ഇപ്പോള്‍ തമിഴത്തും വലിയൊരു ചിത്രത്തിന്റെ ഭാഗമാകുകയാണ്. കാര്‍ത്തി, ജ്യോതിക, സത്യരാജ് എന്നിവരെ മുഖ്യ കഥാപാത്രങ്ങളാക്കി ജീത്തുജോസഫ് സംവിധാനം ചെയ്യുന്ന തമിഴ് ചിത്രത്തില്‍ കാര്‍ത്തിയുടെ നായികയാകുന്നത് നിഖിലയാണ്. നേരത്തേ വെട്രിവേല്‍, കിടാരി പഞ്ചു മിട്ടായ് തുടങ്ങിയ തമിഴ് ചിത്രങ്ങളില്‍ നിഖില അഭിനയിച്ചിരുന്നു. അടുത്തിടെ വന്‍വിജയമായി മാറിയ ഞാന്‍ പ്രകാശനിലും ഇപ്പോള്‍ തിയറ്ററുകളിലോടുന്ന ഒരു യമണ്ടന്‍ പ്രേമകഥയിലും നിഖിലയാണ് നായിക.
സഹോദരങ്ങളായാണ് കാര്‍ത്തിയും ജ്യോതികയും ചിത്രത്തില്‍ എത്തുന്നത്. ഇവരുടെ അച്ഛന്റെ വേഷത്തില്‍ സത്യരാജും എത്തുന്നു. മലയാളി താരം ആന്‍സന്‍ പോളും ചിത്രത്തില്‍ ഒരു പ്രധാനപ്പെട്ട വേഷത്തിലുണ്ട്. ഒക്‌റ്റോബറിലാണ് ചിത്രത്തിന്റെ റിലീസ് ലക്ഷ്യം വെക്കുന്നത്. സംവിധായകനൊപ്പം റെനില്‍ ഡിസില്‍വ, മണികണ്ഠന്‍ എന്നിവര്‍ ചേര്‍ന്നാണ് തിരക്കഥ ഒരുക്കിയത്. ജ്യോതികയുടെ സഹോദരന്‍ പങ്കാളിയായ വിയാകോം 18 എന്ന ബോളിവുഡ് പ്രൊഡക്ഷന്‍ കമ്പനിയാണ് ചിത്രത്തിന്റെ നിര്‍മാണം.
Nikhila Vimal will pair Karthi in Jeethu Joseph directorial. Jyothika and Sathyaraj in pivotal roles. Shooting progresing.
