ഉദയകൃഷ്ണയുടെ തിരക്കഥയില്‍ വൈശാഖ് സംവിധാനം ചെയ്ത് മോഹന്‍ലാല്‍ മുഖ്യ വേഷത്തിലെത്തിയ ‘മോണ്‍സ്റ്റര്‍’ ഡിസംബര്‍ 2 മുതല്‍ ഒടിടി പ്രദര്‍ശനം തുടങ്ങുമെന്ന് ഹോട്ട്സ്റ്റാര്‍ പ്രഖ്യാപിച്ചു.. ബോക്സ് ഓഫിസില്‍ വലിയ തിരിച്ചടി നേരിട്ട ചിത്രം തിയറ്ററുകളില്‍ നിന്ന് ആഗോള ഗ്രോസ് കളക്ഷനായി നേടിയിട്ടുള്ളത് 6.5 കോടി രൂപയ്ക്ക് താഴെ മാത്രമാണെന്നാണ് വിലയിരുത്തപ്പെടുന്നത്.
മലയാളത്തിലെ ആദ്യ 100 കോടി ചിത്രം പുലിമുരുകന്‍റെ ടീം വീണ്ടും ഒന്നിക്കുന്നു എന്ന സവിശേഷതയുമായി എത്തിയ ചിത്രത്തില്‍ ലക്കി സിംഗ് എന്ന കഥാപാത്രമാണ് മോഹന്‍ലാല്‍ അവതരിപ്പിക്കുന്നത്. ആശിര്‍വാദ് ഫിലിംസ് നിര്‍മിച്ച ചിത്രം കോവിഡ് നിയന്ത്രണങ്ങള്‍ക്കിടെയാണ് ഷൂട്ടിംഗ് പൂര്‍ത്തിയാക്കിയത്.ഹണി റോസും ചിത്രത്തില്‍ പ്രധാന വേഷത്തിലെത്തുന്നുണ്ട്.