കമല്‍ഹാസനെ (Kamal Hassan) നായകനാക്കി ലോകേഷ് കനകരാജ് (Lokesh Kanagaraj) സംവിധാനം ചെയ്യുന്ന ‘വിക്രം’ (Vikram) എന്ന ചിത്രത്തിന്‍റെ റിലീസ് തീയതി പ്രഖ്യാപിച്ചു. വിജയ് സേതുപതി (Vijay Sethupathi), ഫഹദ് ഫാസില്‍ (Fahadh Faasil) എന്നിവരും മുഖ്യ വേഷങ്ങളില്‍ എത്തുന്ന ചിത്രം ജൂണ്‍ 3ന് തിയറ്ററുകളിലെത്തും. നരേയ്ന്‍, കാളിദാസ് ജയറാം തുടങ്ങിയവരും പ്രധാന വേഷങ്ങളിലുണ്ട്. കമലിന്റെ രാജ് കമല്‍ ഫിലിംസ് തന്നെയാണ് ചിത്രം നിര്‍മിക്കുന്നത്.
കുറേക്കാലമായി വമ്പന്‍ ഹിറ്റുകളില്ലാത്ത കമല്‍ ഏറെ പ്രതീക്ഷ വെക്കുന്ന ചിത്രമാണിത്. നേരത്തേ ചിത്രത്തിന്‍റെ ഫസ്റ്റ് ലുക്ക് പോസ്റ്ററും ടീസറുമെല്ലാം ഏറെ ശ്രദ്ധ നേടിയിരുന്നു. അനിരുദ്ധാണ് ചിത്രത്തിന് സംഗീതം നല്‍കുന്നത്. ഗിരീഷ് ഗംഗാധരന്‍ ഛായാഗ്രഹണം നിര്‍വഹിച്ചു.