ജയറാം നായകനാകുന്ന പുതിയ ചിത്രം ലോനപ്പന്റെ മാമോദിസ ഉടന്‍ തിയറ്ററുകളില്‍ എത്തുകയാണ്. ലിയോ തദേവൂസ് സംവിധാനം ചെയ്യുന്ന ഈ ചിത്രത്തില്‍ നായികയാകുന്നത് അന്ന രേഷ്മ രാജന്‍ ആണ്. ചിത്രത്തിന്റെ ലൊക്കേഷനില്‍ നിന്നുള്ള ചില ചിത്രങ്ങള്‍ കാണാം
അങ്കമാലി, മഞ്ഞപ്ര പ്രദേശങ്ങളിലായിരുന്നു പ്രധാനമായും ഷൂട്ടിംഗ്. താന്‍ ഷൂട്ടിംഗ് ദിനങ്ങള്‍ ഏറെ ആസ്വദിച്ചുവെന്നും സത്യന്‍ അന്തിക്കാട് ചിത്രങ്ങളില്‍ ലഭിക്കുന്നതിന് സമാനമായ അന്തരീക്ഷമായിരുന്നു സെറ്റിലെന്നും ജയറാം ഷൂട്ടിംഗ് അവസാനിക്കുന്ന വേളയില്‍ പറഞ്ഞിരുന്നു.
ശാന്തികൃഷ്ണ ഒരു പ്രധാന വേഷത്തില്‍ എത്തുന്നുണ്ട്. ഇന്നസെന്റ്, ഇവ പവിത്രന്‍, നിഷാ സാരംഗ്, ദിലീഷ് പോത്തന്‍, അലന്‍സിയര്‍, ജോജു ജോര്‍ജ് തുടങ്ങിയവരും ചിത്രത്തില്‍ അഭിനയിക്കുന്നു.
പെന്‍ ആന്‍ഡ് പേപ്പറിന്റെ ബാനറില്‍ ബിനോയ് മാത്യു ആണ് ചിത്രം നിര്‍മിക്കുന്നത്.
കടപ്പാട്: നാനാ ഫിലിം വീക്ക്‌ലി
