ജാനേമൻ എന്ന സിനിമക്ക് ശേഷം ചിയേഴ്‌സ് എന്റർടൈൻമെന്റസ് അവതരിപ്പിക്കുന്ന പുതിയ ചിത്രം ‘ജയ ജയ ജയ ജയഹേ’ തിയറ്ററുകളില്‍ അത്ഭുത വിജയമാകുകയാണ്. ബേസിൽ ജോസഫ്, ദർശന രാജേന്ദ്രൻ എന്നിവർ പ്രധാന വേഷത്തിലെത്തുന്ന ചിത്രം റിലീസിനു മുമ്പ് തന്നെ ഒരു വിഭാഗം പ്രേക്ഷകരില്‍ പ്രതീക്ഷയുണര്‍ത്തിയിരുന്നെങ്കിലും ചിത്രത്തിന്റെ ബജറ്റും താരങ്ങളും പരിഗണിക്കുമ്പോള്‍ പ്രതീക്ഷയ്ക്ക് ഏറെ മുകളില്‍ നില്‍ക്കുന്ന പ്രകടനമാണ് ചിത്രം കാഴ്ചവെക്കുന്നത്. അന്താക്ഷരി എന്ന പ്രേക്ഷക ശ്രദ്ധ നേടിയ ചിത്രത്തിന്റെ സംവിധായകൻ വിപിൻ ദാസ് അണിയിച്ചൊരുക്കിയ ചിത്രത്തിന്റെ തിരക്കഥ സംവിധായകൻ വിപിൻ ദാസും നാഷിദ് മുഹമ്മദ്‌ ഫാമിയും ചേർന്നു നിര്‍വഹിച്ചത്. ആദ്യ ഷോകള്‍ക്ക് ശേഷം മികച്ച അഭിപ്രായങ്ങള്‍ വന്നതോടെ ഈ വാരാന്ത്യത്തില്‍ ഏറ്റവും മികച്ച പ്രകടനം നടത്താന്‍ ചിത്രത്തിനായി. 3 ദിവസങ്ങള്‍ കൊണ്ട് കേരള ബോക്സ് ഓഫിസില്‍ നിന്ന് 5 കോടിക്ക് അടുത്ത് നേടിയ ചിത്രം ആദ്യ വാരാന്ത്യത്തിനു ശേഷമുള്ള ആദ്യ പ്രവൃത്തി ദിനമായ ഇന്നും മികച്ച പ്രകടനമാണ് കാഴ്ചവെക്കുന്നത്.
ആനന്ദ് മൻമഥൻ, അസീസ്,സുധീർ പറവൂർ, നോബി മാർക്കോസ്, മഞ്ജു പിള്ള എന്നിങ്ങനെ ഒരു വലിയ താരനിര ചിത്രത്തിൽ അണിനിരക്കുന്നുണ്ട്. . ചിയേഴ്‌സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യർ, ഗണേഷ് മേനോൻ എന്നിവരും സൂപ്പർ ഡ്യുപ്പർ ഫിലിംസിന്റെ ബാനറിൽ അമൽ പോൾസനും ചേർന്നു നിർമിച്ചു .രാജേഷ്, ജയ എന്നിവരുടെ വിവാഹവും വിവാഹ ശേഷവുമുള്ള ജീവിതവുമാണ് ചിത്രത്തിന്റെ കഥാതന്തു. രാജേഷ്, ദമ്പതികളായി ആണ് ദർശനയും ബേസിലും ചിത്രത്തിൽ വേഷമിടുന്നത്. ഏറെക്കാലത്തിനു ശേഷം കുടുംബ പ്രേക്ഷകരെ വലിയ അളവില്‍ തിയറ്ററില്‍ എത്തിക്കാനായി ഫാമിലി ഫണ്‍ എന്‍റര്‍ടെയ്നറാണ് ചിത്രം
ബബ്ലു അജുവാണ് ഡയറക്ടർ ഓഫ് ഫോട്ടോഗ്രാഫി (DOP),ജോൺ കുട്ടിയാണ് എഡിറ്റിങ് വിഭാഗം കൈകാര്യം ചെയ്യുന്നത്.അങ്കിത് മേനോൻ സംഗീത സംവിധാനം നിർവഹിക്കുന്നു.ഗാന രചന – വിനായക് ശശികുമാർ,ശബരീഷ് വർമ്മ, ജമൈമ .ഫെലിക്സ് ഫുകുയോഷി റുവേ ആണ് സംഘട്ടന രംഗങ്ങൾ ഒരുക്കുന്നത്.കല – ബാബു പിള്ള,ചമയം – സുധി സുരേന്ദ്രൻ,വസ്ത്രലങ്കാരം – അശ്വതി ജയകുമാർ,നിർമ്മാണ നിർവഹണം – പ്രശാന്ത് നാരായണൻ,മുഖ്യ സഹ സംവിധാനം – അനീവ് സുരേന്ദ്രൻ,ധനകാര്യം – അഗ്നിവേഷ്, പ്രൊഡക്ഷൻ കോർഡിനേറ്റർ – ഐബിൻ തോമസ്,നിശ്ചല ചായാഗ്രഹണം -എസ് ആർ കെ , വാർത്താ പ്രചരണം – വൈശാഖ് സി വടക്കേവീട്, ജിനു അനിൽകുമാർ.യെല്ലോ ടൂത്ത് ആണ് പബ്ലിസിറ്റി ഡിസൈൻസ്