തമിഴിലെ സൂപ്പര്‍ ഹിറ്റ് സംവിധായകന്‍ ആറ്റ്ലി (Atlee) ബോളിവുഡില്‍ അരങ്ങേറ്റം കുറിക്കുന്ന ചിത്രം ‘ജവാന്‍’-ന്‍റെ ട്രെയിലര്‍ പുറത്തിറങ്ങി. ഷാറൂഖ് ഖാന്‍ (Sharukh Khan) മുഖ്യ വേഷത്തില്‍ എത്തുന്ന ചിത്രം സെപ്റ്റംബര്‍ 7ന് റിലീസ് ചെയ്യും. വിജയ് സേതുപതി വില്ലന്‍ വേഷത്തില്‍ എത്തുന്ന ജവാനില്‍ നയന്‍താരയും (Nayanthara) പ്രിയാമണിയും ദീപിക പദുകോണും പ്രധാന വേഷങ്ങളിലെത്തുന്നു.
Of Justice & A Jawan.
Of Women & their Vengeance.
Of a Mother & A Son.
And of course, a lot of Fun!!!
Ready Ahhh!!!#JawanTrailer out now! #Jawan releasing worldwide on 7th September, 2023 in Hindi, Tamil & Telugu. pic.twitter.com/WwU95DJcK2— Shah Rukh Khan (@iamsrk) August 31, 2023
പത്താനിലൂടെ ബോക്സ്ഓഫിസില്‍ ഗംഭീര തിരിച്ചു വരവ് നടത്തിയ ഷാറൂഖ് വലിയ പ്രതീക്ഷയാണ് ജവാനിലും അര്‍പ്പിച്ചിരിക്കുന്നത്. 2018ല്‍ പുറത്തിറങ്ങിയ സീറോ പരാജയമായതിനു പിന്നാലെ സ്വമേധയാ ഇടവേളയിലേക്ക് പോയ ഷാറൂഖ് ഖാന്‍ ഈ ചിത്രത്തിലൂടെ തിരിച്ചെത്തുമെന്നാണ് കരുതപ്പെട്ടിരുന്നത്. എന്നാല്‍ തിരക്കഥയിലെ തിരുത്തലുകളും മറ്റ് തടസങ്ങളും മൂലം ചിത്രം നീണ്ടു പോകുകയായിരുന്നു. ഇതിനിടെയാണ് ‘പത്താന്‍’ സംഭവിച്ചത്.
തന്‍റെ തമിഴ് ചിത്രങ്ങള്‍ക്കു സമാനമായി ഒരു മാസ് മസാല ചിത്രം തന്നെയാണ് ഷാറൂഖിനായി ആറ്റ്ലി ഒരുക്കിയിട്ടുള്ളതെന്നാണ് വിവരം.