ബ്രഹ്മാണ്ഡ വിജയമായി മാറിയ കെജിഎഫ് സീരീസിലൂടെ ഇന്ത്യയിലെ പ്രമുഖ പ്രൊഡക്ഷന്‍ ഹൌസായി മാറിയ ഹോംബെയ്ല്‍ ഫിലിംസ് തങ്ങളുടെ പുതിയ ചിത്രം ധൂമം പ്രഖ്യാപിച്ചു.കന്നഡ സംവിധായകന്‍ പവന്‍ കുമാറിന്‍റെ സംവിധാനത്തില്‍ ഫഹദ് ഫാസിലും അപര്‍ണ ബാലമുരളിയും മുഖ്യവേഷങ്ങളിലെത്തുന്ന ചിത്രവും ബിഗ് ബജറ്റിലാണ് ഒരുക്കുന്നത്. മലയാളത്തിന് പുറമേ കന്നഡ, തെലുങ്ക്, തമിഴ്, ഹിന്ദി ഭാഷകളിലും ചിത്രം പുറത്തിറക്കും. ഒക്റ്റോബര്‍ 9ന് ഷൂട്ടിംഗ് ആരംഭിക്കുന്ന ചിത്രം അടുത്ത വര്‍ഷമാണ് തിയറ്ററുകളിലെത്തുക.
𝐖𝐡𝐚𝐭 𝐲𝐨𝐮 𝐬𝐨𝐰, 𝐬𝐨 𝐬𝐡𝐚𝐥𝐥 𝐲𝐨𝐮 𝐫𝐞𝐚𝐩.
Presenting #Dhoomam.Kickstarting from Oct 9, 2022, End Game begins in Summer 2023.@twitfahadh #Pawan @VKiragandur @aparnabala2@hombalefilms @HombaleGroup @vjsub @Poornac38242912 #PreethaJayaraman @roshanmathew22 pic.twitter.com/5x9zXJsznj
— Hombale Films (@hombalefilms) September 30, 2022
റോഷന്‍ മാത്യൂസ് ചിത്രത്തില്‍ മറ്റൊരു പ്രധാന വേഷത്തിലെത്തുന്നുണ്ട്. രചനയും സംവിധായകനാണ് നിര്‍വഹിക്കുന്നത്. പ്രീതാ ജയരാമന്‍ ഛായാഗ്രഹണം നിര്‍വഹിക്കുന്ന ചിത്രത്തിന് പൂര്‍ണചന്ദ്ര തേജസ്വി സംഗീതം നല്‍കും. മുരളിഗോപിയുടെ സംവിധാനത്തില്‍ പൃഥ്വിരാജ് സംവിധാനം ചെയ്ത് മുഖ്യവേഷത്തിലെത്തുന്ന ടൈസന്‍ എന്ന ബ്രഹ്മാണ്ട ചിത്രവും ഹോംബെയ്ല്‍ ഫിലിംസ് പ്രഖ്യാപിച്ചിട്ടുണ്ട്.