തമിഴ് സൂപ്പര്‍താരം സൂര്യ നായകനാകുന്ന പുതിയ ചിത്രം ‘എതര്‍ക്കും തുനിന്തവന്‍റെ’പുതുക്കിയ റിലീസ് തീയതി പ്രഖ്യാപിച്ചു. മാര്‍ച്ച് 10നാണ് ചിത്രം തിയറ്ററുകളിലെത്തുക. യു/എ സര്‍ട്ടിഫിക്കറ്റ് നേടിയ ചിത്രത്തിന് 2 മണിക്കൂര്‍ 21 മിനുറ്റ് ദൈര്‍ഘ്യമാണ് ഉണ്ടാവുക.
മലയാളം ഉള്‍പ്പടെ 5 ഭാഷകളില്‍ ഫെബ്രുവരി 4ന് ചിത്രം തിയറ്ററുകളിലെത്തുമെന്നാണ് പ്രഖ്യാപിച്ചിരുന്നത്. എന്നാല്‍, കൊറോണ മൂന്നാം തരംഗത്തിന്‍റെ പശ്ചാത്തലത്തില്‍ ഇത് മാറ്റിവെക്കുകയായിരുന്നു. സണ്‍ പിക്ചേര്‍സ് നിര്‍മിക്കുന്ന ചിത്രം ഗ്രാമീണ പശ്ചാത്തലത്തില്‍ മാസ് എന്‍റര്‍ടെയ്നറായാണ് ഒരുങ്ങിയത്. പ്രിയങ്ക മോഹന്‍, സത്യരാജ്, ശരണ്യ പൊൻവണ്ണന്‍, സൂരി, ഇലവരസു എന്നിവരും ചിത്രത്തിലെ മുഖ്യ വേഷങ്ങളില്‍ എത്തുന്നു.
Suriya’s ‘EtharkumThunindhavan’ will release on March 10. The Pandiraj directorial is a rural mass entertainer.