ദുല്‍ഖര്‍ സല്‍മാന്‍ (Dulquer Salmaan) നായകനായി എത്തിയ പുതിയ തെലുങ്ക് ചിത്രം ‘സീതാരാമം’ (SeethaRamam) ആഗോള ബോക്സ് ഓഫിസില്‍ 50 കോടി കളക്ഷന്‍ പിന്നിട്ടു. യുഎസ് ബോക്സ് ഓഫിസില്‍ 1 മില്യണ്‍ ഡോളര്‍ ക്ലബ്ബിലും ഇക്കഴിഞ്ഞ വാരാന്ത്യത്തോടെ ചിത്രം ഇടം നേടി. ചിത്രത്തില്‍ ലെഫ്റ്റനന്‍റ് റാം (Lt. Ram) ആയാണ് ദുല്‍ഖര്‍ എത്തുന്നത്. ഹനു രാഘവപ്പുഡി (Hanu Raghavappudi) സംവിധാനം ചെയ്യുന്ന ചിത്രം ചരിത്ര പശ്ചാത്തലത്തിലുള്ള ഒരു പ്രണയകഥയാണ്. മൃണാള്‍ താക്കൂറാണ് നായിക.
കേരളത്തില്‍ ചിത്രം 5 കോടിക്കടുത്ത് ഗ്രോസ് കളക്ഷന്‍ നേടിയിട്ടുണ്ട്. വൈജയന്തി മൂവീസിന്‍റെ ബാനറില്‍ പ്രിയങ്ക ദത്ത് ആണ് ചിത്രത്തിന്റെ നിര്‍മ്മാണം. പി എസ് വിനോദാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. രശ്‍മിക മന്ദാന പ്രധാന വേഷത്തില്‍ എത്തുന്നു. 1964ല്‍ നടക്കുന്ന കഥ പറയുന്ന ചിത്രത്തിന് കശ്മീരാണ് പ്രധാന ലൊക്കേഷന്‍ ആയത്.