ദുല്‍ഖര്‍ സല്‍മാന്‍ (Dulquer Salmaan) നായകനായി എത്തിയ പുതിയ തെലുങ്ക് ചിത്രം ‘സീതാരാമം’ (SeethaRamam) ആഗോള ബോക്സ് ഓഫിസില്‍ 40 കോടി കളക്ഷന്‍ പിന്നിട്ടു. ഈ വാരാന്ത്യത്തോടു കൂടി ചിത്രം 50 കോടിക്കു മുകളില്‍ കളക്ഷന്‍ ഉറപ്പിക്കുമെന്നാണ് പ്രതീക്ഷിക്കപ്പെടുന്നത്. ചിത്രത്തില്‍ ലെഫ്റ്റനന്‍റ് റാം (Lt. Ram) ആയാണ് ദുല്‍ഖര്‍ എത്തുന്നത്. ഹനു രാഘവപ്പുഡി (Hanu Raghavappudi) സംവിധാനം ചെയ്യുന്ന ചിത്രം ചരിത്ര പശ്ചാത്തലത്തിലുള്ള ഒരു പ്രണയകഥയാണ്.
കേരളത്തില്‍ ചിത്രം 5 കോടിക്കടുത്ത് ഗ്രോസ് കളക്ഷന്‍ നേടിയിട്ടുണ്ട്. വൈജയന്തി മൂവീസിന്‍റെ ബാനറില്‍ പ്രിയങ്ക ദത്ത് ആണ് ചിത്രത്തിന്റെ നിര്‍മ്മാണം. പി എസ് വിനോദാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. മൃണാള്‍ താക്കൂര്‍, രശ്‍മിക മന്ദാന എന്നിവരാണ് ചിത്രത്തില്‍ നായികമാരായി എത്തുന്നത്. 1964ല്‍ നടക്കുന്ന കഥ പറയുന്ന ചിത്രത്തിന് കശ്മീരാണ് പ്രധാന ലൊക്കേഷന്‍ ആയത്.