അജിത് കുമാര്‍ (Ajith Kumar) നായകനായി എത്തുന്ന പുതിയ ചിത്രം ‘തുനിവ്’-ലെ ചില്ലാചില്ലാ എന്നു തുടങ്ങുന്ന ഗാനത്തിന്‍റെ ലിറിക് വിഡിയോ പുറത്തിറങ്ങി. അജിത്തിന്‍റെ അവസാനം പുറത്തിറങ്ങിയ രണ്ട് ചിത്രങ്ങള്‍ സംവിധാനം ചെയ്‍ത എച്ച്. വിനോദ് (H Vinodh) തന്നെയാണ് ഈ ചിത്രവും സംവിധാനം ചെയ്യുന്നത്. ജനുവരിയില്‍ പൊങ്കല്‍ റിലീസായി ചിത്രം തിയറ്ററുകളില്‍ എത്തും. മഞ്ജുവാര്യര്‍ (Manju Warrier) ആണ് ചിത്രത്തില്‍ നായികാ വേഷത്തില്‍ എത്തുന്നത്. ചിത്രത്തിനായി മഞ്ജു വാര്യര്‍ ഒരു പാട്ടും പാടിയിട്ടുണ്ട്.
#ChillaChilla Lyrical From #Thunivu Out Now!!https://t.co/pHRrpxfwX8
— ForumKeralam (@Forumkeralam2) December 9, 2022
ഒരു ബാങ്ക് കൊള്ളയുമായി ബന്ധപ്പെട്ട ത്രില്ലര്‍ ചിത്രമാണിതെന്നാണ് സൂചന. ചിരവ് ഷാ ഛായാഗ്രഹണം നിര്‍വഹിച്ച ചിത്രത്തിനായി ജിബ്രാന്‍ സംഗീതം നല്‍കുന്നു. നേരത്തേ അജിത് മുഖ്യ വേഷത്തിലെത്തിയ ഹെയ്സ്റ്റ് ത്രില്ലര്‍ ചിത്രം മങ്കാത്ത താരത്തിന്‍റെ കരിയറില്‍ തന്നെ വലിയ വഴിത്തിരിവായി മാറിയ ചിത്രമാണ്. നേരത്തേ ധനുഷിന്‍റെ നായകനായി അസുരന്‍ എന്ന ചിക്രത്തിലൂടെ തമിഴില്‍ അരങ്ങേറ്റം കുറിച്ച മഞ്ജുവിന്‍റെ രണ്ടാമത്തെ തമിഴ് ചിത്രമാകും ഇത്