നവാഗതനായ ഇർഷാദ് പരാരി സംവിധാനം ചെയ്ത് സൗബിൻ ഷാഹിറും ബിനു പപ്പുവും മുഖ്യ വേഷങ്ങളിലെത്തുന്ന അയൽവാശിയുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. കോമഡി എന്റെർറ്റൈനർ ആണ് ചിത്രം. തല്ലുമാലയ്ക്കു ശേഷം ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാന്‍ നിര്‍മിക്കുന്ന ചിത്രത്തിന് തിരക്കഥ ഒരുക്കിയത് മുഹ്സിന്‍ പരാരി ആണ്. നിര്‍മാണത്തിലും മുഹ്സിന്‍ പങ്കാളിയാണ്. പൃഥ്വിരാജിന്‍റെ സഹ സംവിധായകനായി പ്രവർത്തിച്ച ഇർഷാദ് പരാരി ലൂസിഫർ എന്ന ചിത്രത്തിന്‍റെ സംവിധാന സഹായി കൂടിയായിരുന്നു.
നിഖില വിമലാണ് നായിക.നസ്‍ലിന്‍, ജഗദീഷ്, കോട്ടയം നസീർ, ഗോകുലൻ, ലിജോ മോൾ ജോസ്, അജ്മൽ ഖാൻ, സ്വാതി ദാസ്, അഖില ഭാർഗവൻ എന്നിവരാണ് മറ്റ് പ്രധാന വേഷങ്ങളില്‍ എത്തുന്നത്. സജിത് പുരുഷൻ ഛായാഗ്രഹണം നിർവഹിക്കുന്നു. ജേക്സ് ബിജോയ് സംഗീത സംവിധാനം ഒരുക്കുന്നു. എഡിറ്റർ- സിദ്ധിഖ് ഹൈദർ, പ്രൊജക്ട് ഡിസൈൻ- ബാദുഷ, മേക്കപ്പ്- റോണക്സ് സേവ്യര്‍, വസ്ത്രാലങ്കാരം- മഷര്‍ ഹംസ, പി.ആർ.ഒ. – എ.എസ്. ദിനേശ്, മീഡിയ പ്രെമോഷൻ- സീതാലക്ഷ്മി, മാർക്കറ്റിങ് & മാർക്കറ്റിങ് പ്ലാൻ- ഒബ്സ്‌ക്യുറ, ഡിസൈൻ-യെല്ലോ ടൂത്ത്.
‘അയല്‍വാശി’ ഫസ്റ്റ് ലുക്ക് കാണാം