ഷാജി കൈലാസിന്‍റെ സംവിധാനത്തില്‍ ചിത്രീകരണം പുരോഗമിക്കുന്ന ‘കാപ്പ’ എന്ന ചിത്രത്തില്‍ നിന്ന് മഞ്ജു വാര്യര്‍ പിന്‍മാറി. തമിഴില്‍ അജിത് ചിത്രത്തിന്‍റെ ഡേറ്റുമായി ഒത്തുപോകാത്തതാണ് മഞ്ജുവിന്‍റെ പിന്മാറ്റത്തിന് കാരണം. കാപ്പയില്‍ മഞ്ജു അവതരിപ്പിക്കാനിരുന്ന വേശത്തില്‍ അപര്‍ണ ബാലമുരളിയാണ് ഇനി എത്തുക. പൃഥ്വിരാജ് സുകുമാരൻ, ആസിഫ് അലി , അന്ന ബെൻ എന്നിവർ ഒന്നിക്കുന്ന ‘കാപ്പ’. കടുവയുടെ വിജയത്തിന് ശേഷം ഷാജി കൈലാസ് സംവിധാനം ചെയ്യുന്ന ചിത്രമാണ്.
പ്രശസ്ത നോവലിസ്റ്റ് ഇന്ദുഗോപന്‍റേതാണ് രചന. ഫെഫ്ക റൈറ്റേഴ്സ് യൂണിയൻ ആണ് ചിത്രത്തിന്‍റെ നിര്‍മാണം. തിരുവനന്തപുരം പശ്ചാത്തലമാക്കിയ ഒരു ഗാംഗ്സ്റ്റര്‍ ഡ്രാമയാണ് ചിത്രം. നേരത്തേ വേണു സംവിധാനം ചെയ്യാനിരുന്ന ചിത്രമാണിത്. എന്നാല്‍ ചില അഭിപ്രായ വ്യത്യാസങ്ങളെ തുടര്‍ന്ന് അദ്ദേഹം പിന്‍മാറുകയായിരുന്നു.