കാളിദാസ് ജയറാമിനെ മുഖ്യകഥാപാത്രമാക്കി ജീത്തു ജോസഫ് സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് പൂര്‍ത്തിയായി. കഴിഞ്ഞ മാസം 9ന് എറണാകുളത്താണ് ഷൂട്ടിംഗ് ആരംഭിച്ചത്. ചിത്രത്തിന്റെ പേരും ഫസ്റ്റ് ലുക്ക് പോസ്റ്ററും ഉടന്‍ പുറത്തുവിടുമെന്ന് ജീത്തു ജോസഫ് അറിയിച്ചു.
ആദ്യ ചിത്രമായ പൂമരത്തില്‍ നിന്നും തീര്‍ത്തും വ്യത്യസ്തമായി കട്ടിത്താടിയും നീണ്ടമുടിയും ഉള്ള ലുക്കിലാണ് കാളിദാസ് ചിത്രത്തില്‍ എത്തുന്നത്. മാസ്റ്റര്‍ റൗഡി എന്ന് ചിത്രത്തിന് പേര് നിശ്ചയിച്ചതായാണ് സൂചന.
അപര്‍ണ ബാലമുരളിയാണ് ചിത്രത്തില്‍ നായികയാകുന്നത്. ഗണപതി, ഷെബിന്‍ ബെന്‍സണ്‍, വിഷ്ണു ഗോവിന്ദന്‍ തുടങ്ങിയവരും ചിത്രത്തിലുണ്ട്. ഇവരുടെ കഥാപാത്രങ്ങളുടേത് ഉള്‍പ്പടെയുള്ളവയുടെ ചെറുപ്പകാലം അവതരിപ്പിക്കുന്നതിന് 13നും 16നും ഇടയില്‍ പ്രായമുള്ള പുതുമുഖങ്ങള്‍ക്ക് അവസരം നല്‍കുമെന്ന് അണിയറപ്രവര്‍ത്തകര്‍ നേരത്തേ അറിയിച്ചിരുന്നു.
മറ്റൊരു താരപുത്രനായ പ്രണവ് മോഹന്‍ലാലിന്റെ അരങ്ങേറ്റ ചിത്രമായ ആദിയായിരുന്നു ജീത്തു അവസാനമായി സംവിധാനം ചെയ്തത്. അല്‍ഫോണ്‍സ് പുത്രനാണ് ചിത്രം സംവിധാനം ചെയ്യുന്ന തമിഴ് ചിത്രം, മിഥുന്‍ മാനുവല്‍ തോമസ് ചിത്രം എന്നിവയാണ് കാളിദാസിന്റെ വരാനിരിക്കുന്ന ചിത്രങ്ങള്‍.
കൂടുതല്‍ സിനിമാ വിശേഷങ്ങള്‍, ട്രെയ്‌ലറുകള്‍, ലൊക്കേഷന്‍ വിഡിയോകള്‍, സെലിബ്രിറ്റി ഫോട്ടോഷൂട്ടുകള്‍, ഫോട്ടാകള്‍ എന്നിവയ്ക്ക് 9447523755 എന്ന നമ്ബര്‍ സേവ് ചെയ്ത് cinema എന്നു വാട്ട്‌സാപ്പ് ചെയ്യൂ
