അമല്‍ നീരദിന്റെ സംവിധാനത്തില്‍ ഒരുങ്ങിയ ഫഹദ് ഫാസില്‍ ചിത്രം വരത്തന്‍ കൊച്ചി മള്‍ട്ടിപ്ലക്‌സ് കളക്ഷനില്‍ 1.5 കോടി കളക്ഷന്‍ നേടി. ഈ വര്‍ഷം കായംകുളം കൊച്ചുണ്ണിക്ക് പിന്നാലെ ഈ നേട്ടത്തിലെത്തുന്ന രണ്ടാമത്തെ മലയാള ചിത്രമാണ് വരത്തന്‍. 60 ദിവസങ്ങളോളം പിന്നിടുമ്പോഴാണ് വരത്തന്‍ ഈ നേട്ടം സ്വന്തമാക്കിയത്. ഐശ്വര്യ ലക്ഷ്മിയാണ് ചിത്രത്തിലെ നായിക. സുഡാനി ഫ്രം നൈജീരിയയാണ് ഈ വര്‍ഷം മള്‍ട്ടിപ്ലക്‌സ് കളക്ഷനില്‍ മൂന്നാം സ്ഥാനത്ത്. സുഡാനി 1.39 കോടി രൂപയാണ് മള്‍ട്ടിപ്ലക്‌സില്‍ നിന്ന് നേടിയിരുന്നത്.
വരത്തന്‍ സിംഗിള്‍ സ്‌ക്രീനുകളിലും മികച്ച പ്രകടനം കാഴ്ച വെച്ചിരുന്നു. പ്രിഥ്വിരാജ് ചിത്രം കൂടെയാണ് മള്‍ട്ടിപ്ലക്‌സ് കളക്ഷനില്‍ നിലവില്‍ നാലാം സ്ഥാനത്തുള്ളത്.
