അരുണ്‍ വൈഗ സംവിധാനം ചെയ്ത് സിജു വില്‍സണ്‍, സൈജു കുറുപ്പ് എന്നിവര്‍ മുഖ്യ വേഷങ്ങളിലെത്തുന്ന ‘ഉപചാരപൂർവം ഗുണ്ട ജയന്‍’ എന്ന ചിത്രത്തിന്‍റെ റിലീസ് മാറ്റി. നേരത്തേ ജനുവരി 28ന് ചിത്രം തിയറ്ററുകളിലെത്തുമെന്നാണ് പ്രഖ്യാപിക്കപ്പെട്ടിരുന്നത്. ദുല്‍ഖര്‍ സല്‍മാന്‍റെ വേ ഫാര്‍ ഫിലിംസ് നിർമിക്കുന്ന ആറാമത്തെ ചിത്രമാണിത്.
ജോണി ആന്‍റണി, സാബു മോന്‍, ഹരീഷ് കണാരന്‍, ഷാനി ഷാക്കി, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരും പ്രധാന വേഷങ്ങളിലെത്തുന്നു.
മൈ ഡ്രീംസ് എന്റര്‍ടൈന്‍മെന്‍റ്സും നിര്‍മാണത്തില്‍ പങ്കാളികളാണ്. രാജേഷ് വര്‍മയാണ് തിരക്കഥ ഒരുക്കിയിട്ടുള്ളത്. ഹരിനാരായണന്‍റെ വരികള്‍ക്ക് ബിജിബാല്‍ സംഗീതം നല്‍കുന്നു. ക്യാമറ എല്‍ദോ ഐസക്, എഡിറ്റര്‍ കിരണ്‍ ദാസ്, സൗണ്ട് ഡിസൈന്‍ വിഷ്ണു ഗോവിന്ദ്, ശ്രീ ശങ്കര്‍ എന്നിവര്‍ നിര്‍വഹിക്കുന്നു.
Saiju Kurupp and Siju Wilson essaying lead roles in Arun Vaiga directorial ‘Upacharapoorvam Gunda Jayan’. Release postponed from Jan 28th.