ആര്യയുടെ ‘സര്‍പാട്ട പരമ്പരൈ’, ട്രെയിലര്‍ കാണാം
പാ രഞ്ജിതിന്‍റെ സംവിധാനത്തില്‍ ആര്യ പ്രധാന വേഷത്തില്‍ എത്തുന്ന ‘സര്‍പാട്ട പരമ്പരൈ’ജൂലൈ 22ന് ആമസോണ്‍ പ്രൈമിലൂടെ പുറത്തിറങ്ങുന്നു. ആര്യ ബോക്സര്‍ വേഷത്തില്‍ എത്തുന്നു എന്നതിലൂടെ നേരത്തേ തന്നെ ശ്രദ്ധ നേടിയിട്ടുള്ള ചിത്രത്തിന്‍റെ ട്രെയിലര്‍ ഇപ്പോള്‍ വൈറലാകുകയാണ്. 1970-80 കാലഘട്ടത്തിലെ നോര്‍ത്ത് മദ്രാസിലെ ബോക്‌സിംഗ് താരങ്ങളുടെ ചരിത്രവും ജീവിതവും രാഷ്ട്രീയവുമാണ് ചിത്രം പറയുക. മദ്രാസ്, കബാലി, കാലാ എന്നീ സിനിമകള്‍ക്ക് ശേഷം പാ രഞ്ജിത്ത് ഒരുക്കുന്ന ചിത്രമാണിത്.
ചിത്രത്തിനായി ആര്യ നടത്തിയ മേക്ക്‌ഓവറിന്‍റെ ചിത്രങ്ങള്‍ നേരത്തേ സോഷ്യല്‍ മീഡിയയില്‍ വൈറലായിരുന്നു. ഒരു നടന്‍ എന്ന നിലയിലും ആര്യക്ക് ഏറെ പ്രതീക്ഷയുള്ള ചിത്രമാണിത്. ദുഷാര വിജയന്‍ ആണ് ചിത്രത്തിലെ നായിക. നടന്‍ സന്തോഷ് പ്രതാപും പ്രധാന വേഷത്തിലെത്തുന്നുണ്ട്. കെ 9 സ്റ്റുഡിയോസ് നിര്‍മാണം നിര്‍വഹിക്കുന്ന ചിത്രത്തിന് സന്തോഷ് നാരായണന്‍ സംഗീതം നല്‍കിയിരിക്കുനനു. മുരളി ജി ആണ് ഛായാഗ്രണം.
Here is the trailer of Arya’s Sarpatta Pamambarai’ The Pa Ranjith directorial is based on old Madras’s boxing rings.
