സൂര്യ ചിത്രം ‘സൂരറൈപോട്ര്’-ന്‍റെ ട്രെയ്‍ലര്‍ പുറത്തിറങ്ങി. വന്‍ മുതല്‍ മുടക്കില്‍ ഒരുക്കിയ ചിത്രം ഒക്‌റ്റോബര്‍ 30ന് ആമസോണ്‍ പ്രൈമില്‍ പ്രദര്‍ശിപ്പിച്ചു തുടങ്ങുമെന്നായിരുന്നു നേരത്തേയുള്ള അറിയിപ്പ്. എന്നാല്‍ ചില സാങ്കേതിക കാരണങ്ങളാല്‍ റിലീസ് നീട്ടിയിട്ടുണ്ട്. കോവിഡ് 19 മൂലം തിയറ്ററുകള്‍ അടച്ചിട്ടതിനു ശേഷം തിയറ്റര്‍ റിലീസിന് കാക്കാതെ ഡിജിറ്റല്‍ പ്ലാറ്റ്‌ഫോമുകളില്‍ നേരിട്ടു റിലീസ് ചെയ്യുന്ന ചിത്രങ്ങളുടെ കൂട്ടത്തിലേക്ക് എത്തിയ തെന്നിന്ത്യയിലെ ഏറ്റവും വലിയ ചിത്രമായിരുന്നു സൂരറൈപോട്ര്. സുധ കോംഗാര സംവിധാനം ചെയ്യുന്ന ഈ ചിത്രം എയര്‍ ഡെക്കാന്‍ സ്ഥാപകനായ ജി ആര്‍ ഗോപിനാഥിന്റെ ബിസിനസ് ജീവിതം ആധാരമാക്കിയാണ് ഒരുങ്ങിയത്.
അപര്‍ണ ബാലമുരളി ഈ ചിത്രത്തിലെ നായികാ വേഷത്തിലൂടെ തമിഴില്‍ അരങ്ങേറ്റം കുറിക്കുന്നു. സൂധ കോംഗാരയും ശാലിനി ഉഷ നായരും ചേര്‍ന്നാണ് തിരക്കഥ ഒരുക്കിയിട്ടുള്ളത്. ചിത്രത്തില്‍ പരേഷ് റാവല്‍, ജാക്കി ഷ്‌റോഫ്, മോഹന്‍ ബാബു തുടങ്ങിയ അഭിനേതാക്കളുമുണ്ട്. പിരീഡ്‌സ് ദ എന്‍ഡ് ഓഫ് സെന്റന്‍സ് എന്ന ഡോക്യുമെന്ററി ചിത്രത്തിന്റെ നിര്‍മ്മാണത്തിലൂടെ ഓസ്‌കാര്‍ പുരസ്‌കാരം സ്വന്തമാക്കിയ ഗുനീത് മോംഗയും സൂര്യയുടെ 2ഡി എന്റര്‍ടെയ്‌മെന്റ്‌സും ചേര്‍ന്നാണ് നിര്‍മാണം. ഇരുതി സുട്ര് എന്ന ആദ്യ ചിത്രത്തിലൂടെതന്നെ ശ്രദ്ധേയയായ സംവിധായകയാണ് സുധ കോംഗാര. ജി വി പ്രകാശ് ചിത്രത്തിന് സംഗീതം നല്‍കുന്നു.
Here is the trailer for Suriya’s Soorarai Pottru. The movie directed by Sudha Kongara has Aparna Balamurali as the female lead. Amazon prime release.
