മിഷ്‌കിന്റെ സംവിധാനത്തില്‍ ഒരുങ്ങിയ ത്രില്ലര്‍ ചിത്രം തുപ്പറിവാളന്‍ നിരൂപകര്‍ക്കിടയിലും സാധാരണ പ്രേക്ഷകര്‍ക്കിടയിലും മികച്ച വിജയം സ്വന്തമാക്കിയ ചിത്രമാണ്. വിശാല്‍ പ്രൈവറ്റ് ഡിറ്റക്റ്റിവ് ആയി എത്തി ചിത്രത്തില്‍ പ്രസന്നയും പ്രധാന വേഷത്തില്‍ എത്തി. ഇപ്പോള്‍ ഈ ചിത്രത്തിന്റെ രണ്ടാം ഭാഗം ഒരുക്കുന്നതിനുള്ള പ്രവര്‍ത്തനങ്ങള്‍ ആരംഭിച്ചിരിക്കുകയാണ്. ആദ്യ ഭാഗം ചെന്നൈയിലായിരുന്നു പ്രധാനമായും കേന്ദ്രീകരിച്ചിരുന്നതെങ്കില്‍ തുപ്പറിവാളന്‍ 2 വിവിധ വിദേശ ലൊക്കേഷനുകളില്‍ ചിത്രീകരിക്കുന്നുണ്ട്. തുര്‍ക്കി, ലണ്ടന്‍ തുടങ്ങി വിവിധ രാജ്യങ്ങളിലാണ് ചിത്രീകരണത്തിന് പദ്ധതിയിടുന്നത്.
മറ്റ് ചിത്രങ്ങള്‍ പൂര്‍ത്തിയാക്കി ഓഗസ്‌റ്റോടെ തുപ്പറിവാളന്‍ 2ല്‍ വിശാല്‍ എത്തുമെന്നാണ് കോളിവുഡില്‍ നിന്ന് ലഭിക്കുന്ന വിവരം. ഇപ്പോള്‍ സുന്ദര്‍ സി സംവിധാനം ചെയ്യുന്ന ബിഗ് ബജറ്റ് ചിത്രത്തിന്റെ സെറ്റിലാണ് താരമുള്ളത്. പട്ടാള വേഷത്തിലുള്ള ഒരു ചിത്രം കൂടി വരുന്നുണ്ട്. ഇരുമ്പു തിരൈ 2 എന്ന പേരിലാണ് ഇത് അറിയപ്പെട്ടതെങ്കിലും കഥാപാത്രത്തിന്റെ ജോലിയില്‍ മാത്രമാണ് സാമ്യമുള്ളതെന്ന് അണിയറ പ്രവര്‍ത്തര്‍ വ്യക്തമാക്കിയിട്ടുണ്ട്.
Vishal is gearing for ‘Thupparivaalan 2’. The film will be directed once again by Mysskin. The detective thriller will go on floors by August.
