ഹനീഫ് അദേനിയുടെ സംവിധാനത്തില്‍ ഒരുങ്ങിയ പുതിയ ചിത്രം മിഖായേല്‍ ജനുവരിയില്‍ തിയറ്ററുകളിലെത്തുകയാണ്. നിവിന്‍ പോളിയെ നായകനാക്കി വന്‍ ബജറ്റില്‍ ഒരുങ്ങുന്ന ചിത്രത്തിന്റെ വില്ലനാരെന്ന് 21ന് വെളിപ്പെടുത്തും. മഞ്ജിമ മോഹന്‍ നായികയാകുന്ന ചിത്രത്തിന്റെ ഷൂട്ടിംഗ് പൂര്‍ത്തിയായിട്ടുണ്ട്. ചിത്രത്തില്‍ ജോര്‍ജ് പീറ്റര്‍ എന്ന പ്രധാനപ്പെട്ടൊരു കഥാപാത്രമായി സിദ്ദിഖ് എത്തുന്നുണ്ട്.
ഫാമിലി ക്രൈം ഡ്രാമ ഗണത്തില്‍ വരുന്ന ചിത്രത്തില്‍ മാസ് ഘടകങ്ങളും ഉള്‍പ്പെടുത്തിയിരിക്കുന്നു. ഗാര്‍ഡിയന്‍ ഏയ്ഞ്ചല്‍ എന്നാണ് ചിത്രത്തിന് ടാഗ് ലൈന്‍ നല്‍കിയിരിക്കുന്നത്. ഹനീഫ് അദേനി തന്നെയാണ് തിരക്കഥ ഒരുക്കിയിട്ടുള്ളത്. ആന്റോ ജോസഫാണ് മിഖായേല്‍ നിര്‍മിക്കുന്നത്.
Tags:haneef adenimanjima mohanmikhaelnivin pauly
About The Author
