ജീവിത പങ്കാളി കൂടിയായ വിഘ്‌നേശ് ശിവ നിര്‍മിക്കുന്ന ചിത്രമാണ് നയന്‍താരയുടേതായി ഇനി പുറത്തുവരാനുള്ളത്. നെട്രിക്കണ്ണ് എന്നു പേരിട്ടിരിക്കുന്ന ചിത്രത്തിന്റെ ആദ്യ ടീസര്‍ പുറത്തുവന്നിരിക്കുകയാണ്. സ്വന്തം ബാനറില്‍ വിഘ്‌നേശ് നിര്‍മിക്കുന്ന ചിത്രം സംവിധാനം ചെയ്യുന്നത് മിലിന്ദ് റൗവാണ്. അവള്‍ എന്ന ചിത്രത്തിലൂടെ ശ്രദ്ധേയനായ മിലിന്ദ് ഏറെ വെല്ലുവിളി നിറഞ്ഞ കഥാപാത്രമാണ് നയന്‍സിനായി ചിത്രത്തില്‍ ഒരുക്കിയിരിക്കുന്നത്.
ഒരു മുന്‍ രജനികാന്ത് ചിത്രത്തിന്റെ പേരാണ് നെട്രിക്കണ്ണ്. ഈ ചിത്രത്തിന്റെ നിര്‍മാതാക്കളില്‍ നിന്ന് അനുമതി വാങ്ങിയാണ് പുതിയ ചിത്രത്തിന് നല്‍കിയിരിക്കുന്നത്. പ്രമേയത്തിന് അനുയോജ്യമായ പേരാണെന്നും ആദ്യ ടീസര്‍ വരുമ്പോള്‍ പ്രേക്ഷകര്‍ക്ക് അത് മനസിലാകുമെന്നും അണിയറ പ്രവര്‍ത്തകര്‍ പറഞ്ഞിരുന്നു. ത്രില്ലര്‍ സ്വഭാവത്തിലാണ് ചിത്രം ഒരുങ്ങുന്നത്. ദീപാവലിക്ക് ഒടിടി റിലീസായി പുറത്തിറങ്ങിയ മുക്കുത്തി അമ്മന്‍ എന്ന ചിത്രത്തില്‍ നയന്‍താരയുടെ പ്രകടനം കൈയടി നേടുന്നുണ്ട്.
Nayanthara’s next in Kollywood is Netrikann. Aval fame Milind Rau helming the movie. Nayanthara’s life partner, director Vignesh Shivan bankrolling the project. Here is the teaser.