ബോളിവുഡ് സൂപ്പര്‍ താരം സല്‍മാന്‍ ഖാന്റെ പുതിയ ചിത്രം ഭാരത് ഈദ് റിലീസായാണ് തിയറ്ററുകളില്‍ എത്തിയത്. ഇപ്പോള്‍ 14 ദിവസങ്ങള്‍ പിന്നിടുമ്പോല്‍ ചിത്രത്തിന്റെ ആഗോള കളക്ഷന്‍ 190 കോടിയില്‍ എത്തിയിട്ടുണ്ട് ഈ വീക്കെന്‍ഡില്‍ തന്നെ ചിത്രം 200 കോടിക്ക് മുകളില്‍ എത്തും. നേരത്തേ 4 ദിവസത്തില്‍ 100 കോടി കളക്ഷന്‍ പിന്നിട്ട ചിത്രത്തിന് പിന്നീട് തിരക്ക് കുറയുകയായിരുന്നു.
ആക്ഷന്‍ ത്രില്ലര്‍ സ്വഭാവത്തില്‍ ഒരുക്കിയ ചിത്രം സംവിധാനം ചെയ്തത് അലി അബ്ബാസ് ആണ്. കത്രീന കൈഫ് നായികാ വേഷത്തിലുണ്ട്. അതുല്‍ അഗ്‌നിഹോത്രി ആണ് ചിത്രം നിര്‍മിച്ചിരിക്കുന്നത്. നേരത്തേ സര്‍ക്കസ് താരം മുതല്‍ നേവല്‍ ഓഫിസര്‍ വരെയുള്ള വിവിധ ഗെറ്റപ്പുകളില്‍ സല്‍മാാന്‍ ഖാന്‍ ചിത്രത്തില്‍ എത്തുന്നുണ്ട്. ദിഷ പഠാണി, ജാക്കി ഷ്‌റോഫ്, തബു, സുനില്‍ ഗ്രോവര്‍ തുടങ്ങിയവരും ഭാരതില്‍ പ്രധാന വേഷങ്ങളിലുണ്ട്.
Salman Khan starer Bharat inching to 200 cr club. Katrina Kaif playing the female lead in this Ali Abbas directorial.
