പൃഥ്വിയുടെ ‘കോള്‍ഡ് കേസ്’ നേരിട്ട് ഒടിടി റിലീസിന്
പൃഥ്വിരാജ് മുഖ്യവേഷത്തില്‍ എത്തുന്ന ഇന്‍വെസ്റ്റിഗേഷന്‍ ത്രില്ലര്‍ ചിത്രം ‘കോള്‍ഡ് കേസ്’ നേരിട്ട് ഒടിടി റിലീസ് നടത്തിയേക്കും. ചിത്രത്തിന്‍റെ ഡിജിറ്റല്‍ റൈറ്റ്സ് ആമസോണ്‍ പ്രൈം സ്വന്തമാക്കിയിട്ടുണ്ട്. കണ്ടന്‍റില്‍ വലിയ മതിപ്പ് തോന്നിയ പ്രൈം അധികൃതര്‍ നേരിട്ട് ഒടിടി റിലീസ് നടത്താന്‍ അണിയറ പ്രവര്‍ത്തകര്‍ക്ക് മികച്ച തുക പ്രൈം വാഗ്ദാനം ചെയ്തിട്ടുണ്ട്. ഉടന്‍ ഇതു സംബന്ധിച്ച ഔദ്യോഗിക പ്രഖ്യാപനം ഉണ്ടാകും.
പരസ്യചിത്ര സംവിധായകനുമായ തനു ബാലക് ആദ്യമായി സംവിധാനം ചെയ്യുന്ന ചിത്രത്തിന്‍റെ പ്രധാന ലൊക്കേഷന്‍ തിരുവനന്തപുരം ആയിരുന്നു. അരുവി എന്ന സിനിമയിലൂടെ ശ്രദ്ധേയായ താരം അതിഥി ബാലനാണ് നായിക. ചിത്രത്തില്‍ ഏറെക്കാലത്തിനു ശേഷം ക്ലീന്‍ ഷേവ് ലുക്കിലാണ് പൃഥ്വിരാജ് എത്തുന്നത്. ഏപ്രിലില്‍ ചിത്രം തിയറ്ററുകളില്‍ റിലീസ് ചെയ്യുന്നതിന് ലക്ഷ്യമിട്ടിരുന്നതാണ്.
ആന്റോ ജോസഫ് ഫിലിം കമ്പനിയുടെയും പ്ലാന്‍ ജെ സ്റ്റുഡിയോസിന്റെയും ബാനറുകളില്‍ ആന്റോ ജോസഫ്, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് നിര്‍മ്മാണം. ശ്രീനാഥ് വി നാഥിന്റെതാണ് തിരക്കഥ. ഗിരീഷ് ഗംഗാധരനും ജോമോന്‍ ടി ജോണും ആണ് ഛായാഗ്രഹണം. സംഗീതം പ്രശാന്ത് അലക്‌സ്. പ്രൊഡക്ഷന്‍ കണ്‍ട്രോളര്‍ ബാദുഷ. കലാസംവിധാനം അജയന്‍ ചാലിശ്ശേരി. സ്വന്തം പ്രൊഡക്ഷനില്‍ ഒരുങ്ങുന്ന കുരുതി എന്ന ചിത്രത്തിലാണ് അടുത്തതായി പൃഥ്വി എത്തുന്നത്.
Prithviraj starrer ‘Cold case’ may have a direct OTT release via Amazon Prime. The Thanu Balak directorial is an investigation thriller. Aditi Balan essaying the female lead.
