പൃഥ്വിരാജ് സുകുമാരൻ, ആസിഫ് അലി, മഞ്ജു വാരിയർ, അന്ന ബെൻ എന്നിവർ ഒന്നിക്കുന്ന പുതിയ ചിത്രം ‘കാപ്പ’ പ്രഖ്യാപിച്ചു. ഛായാഗ്രാഹകനില്‍ നിന്ന് സംവിധായകനായി മാറിയ വേണു സംവിധാനം ചെയ്യുന്ന ഈ ചിത്രത്തിന് തിരക്കഥയൊരുക്കുന്നത് പ്രശസ്ത നോവലിസ്റ്റ് ഇന്ദുഗോപൻ ആണ്. ഫെഫ്ക റൈറ്റേഴ്സ് യൂണിയൻ ആണ് ചിത്രത്തിന്‍റെ നിര്‍മാണം. മമ്മൂട്ടിയുടെയും മോഹന്‍ലാലിന്‍റെയും ഫേസ്ബുക്ക് പേജുകളിലൂടെ മോഷന്‍ പോസ്റ്റര്‍ പുറത്തിറക്കിക്കൊണ്ടാണ് സിനിമ പ്രഖ്യാപിച്ചത്.
തിരുവനന്തപുരം പശ്ചാത്തലമാക്കിയ ഒരു ഗാംഗ്സ്റ്റര്‍ ഡ്രാമയാണ് ചിത്രം എന്നാണ് മോഷന്‍ പോസ്റ്റര്‍ നല്‍കുന്ന സൂചന. അന്ന ബെൻ ഒഴികെ മറ്റ് മൂന്ന് പേരും മുന്‍പും വേണു സംവിധാനം ചെയ്ത ചിത്രങ്ങളില്‍ അഭിനയിച്ചിട്ടുണ്ട്. 1998ൽ പുറത്തിറങ്ങിയ അദ്ദേഹത്തിന്‍റെ കന്നി സംവിധാനത്തില്‍ പുറത്തിറങ്ങിയ ‘ദയ’ എന്ന ചിത്രത്തിൽ മഞ്ജു വാരിയർ പ്രധാന കഥാപാത്രത്തെ അവതരിപ്പിച്ചിരുന്നു. രണ്ടാമത്തെ ചിത്രമായ ‘മുന്നറിയിപ്പി’ൽ പൃഥ്വിരാജ് അതിഥി വേഷത്തിൽ അഭിനയിച്ചിട്ടുണ്ട്. അടുത്തിടെ പുറത്തിറങ്ങിയ ആന്തോളജി സിനിമ ‘ആണും പെണ്ണും’ ആണ് ആസിഫ് അലി വേണുവിന്‍റെ സംവിധാനത്തില്‍ അഭിനയിച്ച ചിത്രം.
Prithviraj Sukumaran, Asif Ali, Manju Warrier, and Anna Ben are coming together for ‘Kaapa’. Here is the motion poster for the film directed by cinematographer-turned-filmmaker Venu.