സംവിധായിക വിധു വിന്‍സന്റിന്റെ രാജിയുമായി ബന്ധപ്പെട്ട് വുമണ്‍ ഇന്‍ സിനിമാ കളക്റ്റിവിനും തനിക്കും നേരേ ഉയര്‍ന്ന വിമര്‍ശനങ്ങളില്‍ പരോക്ഷ പ്രതികരണവുമായി നടി പാര്‍വതി തിരുവോത്ത്. ‘ശീതകാലത്തിന്റെ മധ്യത്തിലാണ്, എന്റെയുള്ളിലെ ആര്‍ക്കും കീഴടക്കാനാകാത്ത വേനലിനെ ഞാന്‍ കണ്ടത്തിയത്. അതെന്നെ സന്തോഷിപ്പിക്കുന്നു. കാരണം, എത്രമാത്രം ലോകം എതിരെ നിലകൊണ്ടാലും എതിരിടാന്‍ അതിനേക്കാളേറെ ശക്തമാതും മികച്ചതുമായ ഒന്ന് എന്റെയുള്ളിലുണ്ട്.’ ആല്‍ബര്‍ട്ട് കാമ്യുവിന്റെ വരികള്‍ ചേര്‍ത്ത് വെച്ച് തന്റെ സോഷ്യല്‍ മീഡിയ എക്കൗണ്ടുകളിലെ കവര്‍ ഫോട്ടോ ഡബ്ല്യുസിസി എന്നാക്കി താരം മാറ്റിയിട്ടുണ്ട്.
ഈ പോസ്റ്റില്‍ ചോദ്യങ്ങള്‍ ഉന്നയിച്ചവരുമായും പിന്തുണച്ചവരുമായുള്ള സംവാദത്തില്‍ കൂടുതല്‍ പ്രതികരണം താരം നടത്തിയിട്ടുണ്ട്. വിധുവിനെ മുന്നില്‍ നിര്‍ത്തി ബി ഉണ്ണികൃഷ്ണനും ദിലീപും ഡബ്ല്യുസിസിയെ തകര്‍ക്കാന്‍ ശ്രമിക്കുകയാണെന്ന ദുസ്സൂചന ചിലര്‍ സോഷ്യല്‍ മീഡിയയില്‍ ഉന്നയിക്കുന്നതിനെ ആശ്രയിച്ചാണ് പാര്‍വതിയുടെ മറുപടി. ലക്ഷ്യബോധത്തിലൂന്നി മുന്നോട്ടുപോകും. സ്ത്രീകളെ മുന്‍നിര്‍ത്തി പുരുഷന്‍മാര്‍ നടത്തുന്ന കുടില തന്ത്രമാണ് ഇപ്പോഴത്തേത്. ഒപ്പമുള്ളവരെ ഒറ്റിക്കൊടുക്കില്ല. അപവാദ പ്രചരണങ്ങളില്‍ വീഴരുതെന്നും വിഷയത്തില്‍ പരസ്യ ചര്‍ച്ചയ്‌ക്കോ ചെളിവാരിയെറിയലിനോ ഇല്ലെന്നോ താരം കൂട്ടിച്ചേര്‍ക്കുന്നു.
Actress Parvathy Thiruvothu reacted on the issues in WCC on the resignation of director Vidhu Vincent.