നവാഗതനായ അഖിൽ മാരാർ സംവിധാനം ചെയ്ത ‘ഒരു താത്വിക അവലോകനം’ ഡിസംബര്‍ 31ന് തിയറ്ററുകളിലെത്തും. രാഷ്ട്രീയ ആക്ഷേപ ഹാസ്യ സ്വഭാവത്തിലുള്ള ചിത്രത്തില്‍ ജോജു ജോർജ് , നിരഞ്ജൻ രാജു എന്നിവര്‍ മുഖ്യ വേഷങ്ങളിലെത്തുന്നു. നേരത്തേ ജനുവരിയില്‍ റിലീസ് നടത്തുന്നതിനാണ് നിശ്ചയിച്ചിരുന്നത്. എന്നാല്‍ ജനുവരിയില്‍ നിരവധി ചിത്രങ്ങളും വന്‍ റിലീസുകളും വരുന്നത് പരിഗണിച്ച് ചിത്രം നേരത്തേയാക്കുകയായിരുന്നു എന്നാണ് വിവരം.
ഇന്ന് പുറത്തിറങ്ങിയ ചിത്രങ്ങള്‍ കാര്യമായി മുന്നേറാത്താതും അടുത്തയാഴ്ച പ്രധാന റിലീസുകളില്ലാത്തതും ഈ തീരുമാനത്തിലേക്ക് നയിച്ചു. സലിം കുമാര്‍, മേജര്‍ രവി, ശ്രീജിത്ത് രവി, ബാലാജി ശര്‍മ്മ, ജയകൃഷ്ണന്‍, മാമുക്കോയ, പ്രശാന്ത് അലക്‌സ്, സജി വെഞ്ഞാറമൂട്, ശൈലജ തുടങ്ങിയവരാണ് മറ്റു പ്രധാന വേഷങ്ങളിലുള്ളത്. യോഹാന്‍ ഫിലിംസിന്‍റെ ബാനറില്‍ ഡോ. ഗീവര്‍ഗീസ് യോഹന്നാന്‍ നിര്‍മിച്ച ചിത്രം മാക്സ് ലാബ് ആണ് തിയറ്ററുകളില്‍ എത്തിക്കുന്നത്.
Akhil Marar directorial ‘Oru Thathwika Avalokanam’ theatrical release preponed to Dec 31st. Joju George and Niranjan Raju in lead roles.