സൂര്യയുടെ എന്‍ജികെ, ആദ്യ പാട്ട് കാണാം

സെല്‍വരാഘവന്‍ സംവിധാനം ചെയ്ത സൂര്യ ചിത്രം എന്‍ജികെ ജൂണ്‍ റിലീസായി തിയറ്ററുകളിലെത്തുകയാണ്. ഇപ്പോള്‍ ചിത്രത്തിലെ ആദ്യ ഗാനം പുറത്തിറങ്ങിയിരിക്കുകയാണ്. ആരാധകര്‍ ഏറെക്കാലമായി കാത്തിരിക്കുന്ന ഈ ചിത്രം കഴിഞ്ഞ വര്‍ഷം ദീപാവലി റിലീസായി എത്തുമെന്ന് പ്രതീക്ഷിക്കപ്പെട്ടിരുന്നതാണ്. ചിത്രം പലകാരണങ്ങളാല്‍ നീണ്ടു പോകുകയായിരുന്നു. യുവന്‍ ശങ്കര്‍ രാജയാണ് എന്‍ജികെയ്ക്ക് സംഗീതം നല്‍കുന്നത്. അടുത്തിടെ പുറത്തിറങ്ങിയ ടീസറിന് മികച്ച പ്രതികരണമാണ് ലഭിച്ചിരുന്നത്.

സെല്‍വരാഘവന് ഇടയ്ക്ക് ആരോര്യ പ്രശ്‌നങ്ങളുണ്ടായതും ചികിത്സ തേടേണ്ടി വന്നതും ഇതിനിടെ കെവി ആനന്ദ് ചിത്രത്തിന് സൂര്യ നല്‍കിയ ഡേറ്റ്‌സുമായി ക്ലാഷ് ഉണ്ടായതും എന്‍ജികെ വൈകിച്ചു. രാഷ്ട്രീയക്കാരനായ നന്ദ ഗോപാല കുമാരനായാണ് സൂര്യ ഈ ചിത്രത്തില്‍ എത്തുന്നത്. കെവി ആനന്ദ് സംവിധാനം ചെയ്യുന്ന സൂര്യ ചിത്രം കാപ്പാന്റെ ഷൂട്ടിംഗും പൂര്‍ത്തിയായിട്ടുണ്ട്. മോഹന്‍ലാലും ആര്യയും പ്രധാന വേഷങ്ങളിലെത്തുന്ന ചിത്രം ഓഗസ്റ്റ് റിലീസായി എത്തും.