വി എ ശ്രീകുമാര്‍ സംവിധാനം ചെയ്യുന്ന മോഹന്‍ലാല്‍ ചിത്രം ഒടിയന്റെ പുതിയ പോസ്റ്റര്‍ പുറത്തിറങ്ങി. കാളക്കുറ്റന്‍മാര്‍ക്കൊപ്പം കുതിക്കുന്ന ഒടിയന്‍ മാണിക്യമാണ് പോസ്റ്ററിലുള്ളത്. മലയാളത്തില്‍ ഇതുവരെ പുറത്തിറങ്ങിയ എല്ലാ ചിത്രങ്ങളേക്കാളും ഉയര്‍ന്ന ബജറ്റില്‍ ഒരുക്കിയ ചിത്രം നാലു ഷെഡ്യൂളുകളായാണ് പൂര്‍ത്തിയാക്കിയത്.
മോഹന്‍ലാലിന്റെ യൗവന കാലം ചിത്രീകരിക്കുന്നതിനുള്ള മേക്കോവറിലൂടെ ശ്രദ്ധേയമായ ചിത്രത്തിന്റെ ഷൂട്ടിംഗ് അവസാന ഘട്ടത്തില്‍ നീണ്ടു പോയിരുന്നു. പ്രകാശ് രാജ്, ഇന്നസെന്റ്, മഞ്ജു വാര്യര്‍, നരേന്‍, കൈലാഷ് തുടങ്ങിയവരും ചിത്രത്തില്‍ പ്രധാന വേഷങ്ങളിലുണ്ട്. ഒക്‌റ്റോബര്‍ 11ന് ചിത്രം തിയറ്ററുകളിലെത്തും. ഹരികൃഷ്ണന്റെ തിരക്കഥയില്‍ ഒരുങ്ങിയ ഒടിയനായി ആക്ഷന്‍ കൊറിയോഗ്രഫി നിര്‍വഹിച്ചത് പീറ്റര്‍ ഹെയ്‌നാണ്. ഛായാഗ്രഹണം ഷാജി കുമാറും സംഗീതം എം ജയചന്ദ്രനും നിര്‍വഹിച്ചു.
About The Author
