കെ വി ആനന്ദിന്റെ സംവിധാനത്തില്‍ സൂര്യയും മോഹന്‍ലാലും ഒന്നിക്കുന്ന തമിഴ് ചിത്രത്തിന്റെ ഷൂട്ടിംഗ് മണാലിയില്‍ പുരോഗമിക്കുകയാണ്. പ്രധാനമന്ത്രിയായ ചന്ദ്രകാന്ത് വര്‍മ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നതെന്നാണ് സെറ്റില്‍ നിന്നുള്ള ചിത്രങ്ങല്‍ വ്യക്തമാക്കുന്നത്.
പ്രധാനമന്ത്രി നരേന്ദ്രമോദിക്ക് സമാനമായ വസ്ത്രധാരണത്തോടെയുള്ള മോഹന്‍ലാലിന്റെ ചിത്രത്തിനൊപ്പം പൂജ്യനീയ പ്രധാനമന്ത്രിയായ ചന്ദ്രകാന്ത് വര്‍മ എന്നെഴുതിയ ഫഌക്‌സിന്റെ ഫോട്ടോ കഴിഞ്ഞദിവസം പുറത്തുവന്നിരുന്നു. ഇപ്പോഴിതാ മോഹന്‍ലാലിന്റെ ലുക്ക് കൂടുതല്‍ വ്യക്തമാക്കുന്ന സ്റ്റിലുകള്‍ അണിയറ പ്രവര്‍ത്തര്‍ പുറത്തുവിട്ടിരിക്കുന്നു.
നേരത്തേ ചിത്രത്തിന്റെ ആദ്യ ഷെഡ്യൂള്‍ ലണ്ടനില്‍ പൂര്‍ത്തിയാക്കിയിരുന്നു. 100 കോടി ചെലവില്‍ ലൈക പ്രൊഡക്ഷന്‍സാണ് ചിത്രം നിര്‍മിക്കുന്നത്. വില്ലന്‍ വേഷത്തില്‍ ആര്യ എത്തുന്നുണ്ട്.
സൂര്യ 37 എന്ന താല്‍ക്കാലിക പേരില്‍ ഒരുങ്ങുന്ന ചിത്രത്തില്‍ സയേഷയാണ് നായിക. ന്യൂയോര്‍ക്ക്, ബ്രസീല്‍ തുടങ്ങിയ രാജ്യങ്ങളിലും ചിത്രത്തിന്റെ ചില രംഗങ്ങള്‍ ചിത്രീകരിക്കുന്നുണ്ട്.
കൂടുതല്‍ സിനിമാ വിശേഷങ്ങള്‍, ട്രെയ്‌ലറുകള്‍, ലൊക്കേഷന്‍ വിഡിയോകള്‍, സെലിബ്രിറ്റി ഫോട്ടോഷൂട്ടുകള്‍, ഫോട്ടാകള്‍ എന്നിവയ്ക്ക് 9447523755 എന്ന നമ്പര്‍ സേവ് ചെയ്ത് cinema എന്നു വാട്ട്‌സാപ്പ് ചെയ്യൂ
About The Author
