മലയാളത്തിലെ ഏറ്റവും വലിയ ഒടിടി റിലീസിന് കളമൊരുങ്ങുന്നു. ആരാധകരെയും പ്രേക്ഷകരെയും അമ്പരിപ്പിച്ചുകൊണ്ട് മോഹന്‍ലാല്‍ ചിത്രം ദൃശ്യം 2 ഒടിടി റിലീസ് പ്രഖ്യാപിച്ചു. ജീത്തു ജോസഫ് സംവിധാനം ചെയ്ച ചിത്രം ആമസോണ്‍ പ്രൈമിലൂടെയാണ് എത്തുക. പുതുവര്‍ഷത്തില്‍ പുറത്തിറങ്ങുന്ന ടീസറില്‍ ഒരു സര്‍പ്രൈസ് ഉണ്ടെന്ന് നേരത്തേ നിര്‍മാതാവ് ആന്‍റണി പെരുമ്പാവൂര്‍ പറഞ്ഞിരുന്നു. ഡിസംബറില്‍ തിയറ്ററുകള്‍ തുറന്നാല്‍ തിയറ്റര്‍ റിലീസ് നടത്താമെന്ന പ്രതീക്ഷയിലാണ് ദൃശ്യം 2 ഒരുക്കിയിരുന്നത്. എന്നാല്‍ തിയറ്ററുകള്‍ തുറക്കുന്നത് വൈകുന്ന സാഹചര്യത്തില്‍ ഒടിടി റിലീസ് നിശ്ചയിക്കുകയായിരുന്നു.
2013ല്‍ പുറത്തിറങ്ങിയ മലയാളത്തിന്‍റെ ആദ്യ 50 കോടി ചിത്രം ദൃശ്യത്തിന്‍റെ തുടര്‍ച്ചയാണ് ദൃശ്യം 2. മീന, അന്‍സിബ, എസ്തര്‍, ആശ ശരത്, സിദ്ധിഖ്, മുരളി ഗോപി, സായ്കുമാര്‍ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. ആശിര്‍വാദ് തന്നെ ഒരുക്കിയ ബ്രഹ്മാണ്ഡ മോഹന്‍ലാല്‍ ചിത്രം ‘മരക്കാര്‍-അറബിക്കടലിന്‍റെ സിംഹം’ കൂടി റിലീസ് കാക്കുന്നത് പരിഗണിച്ചാണ് ദൃശ്യം 2 ഒടിടി റിലീസ് തീരുമാനിച്ചത്.
Mohanlal starrer Drishyam 2 will have a direct OTT release through Amazon Prime. The Jeethu Joseph directorial has Meena, Asha Sarath and Murali Gopi in pivotal roles. Here is the new teaser.