പ്രിയദര്‍ശന്‍റെ സംവിധാനത്തില്‍ 100 കോടി മുതല്‍ മുടക്കില്‍ ഒരുങ്ങിയ ബ്രഹ്മാണ്ഡ ചിത്രം മരക്കാര്‍-അറബിക്കടലിന്‍റെ സിംഹ’ത്തിന്‍റെ റിലീസ് നീട്ടിവെച്ചു. മോഹന്‍ലാല്‍ കുഞ്ഞാലി മരക്കാര്‍ നാലാമനായി എത്തുന്ന ചിത്രം അഞ്ച് ഭാഷകളിലായി മെയ് 13ന് പുറത്തിറങ്ങുമെന്നാണ് പ്രഖ്യാപിച്ചിരുന്നത്. എന്നാല്‍ കോവിഡ് 19ന്‍റെ പുതിയ സാഹചര്യത്തില്‍ റിലീസ് ഓഗസ്റ്റ് 12ലേക്ക് നീട്ടുന്നതായി പുതിയ പോസ്റ്ററിലൂടെ അണിയറ പ്രവര്‍ത്തകര്‍ പ്രഖ്യാപിച്ചു. ആദ്യം കഴിഞ്ഞ വര്‍ഷം മാർച്ചില്‍ റിലീസ് ചെയ്യാന്‍ നിശ്ചയിച്ചിരുന്ന ചിത്രം കൊറോണ മൂലം പലകുറി നീട്ടിവെക്കുകയായിരുന്നു.
ആശിര്‍വാദ് സിനിമാസ്, കോണ്‍ഫിഡന്റ് ഗ്രൂപ്പ്, മൂണ്‍ ഷോട്ട് എന്റര്‍ടെയ്ന്‍മെന്റ്‌സ് എന്നിവ ചേര്‍ന്ന് ഒരുക്കുന്ന ചിത്രത്തില്‍ പ്രണവ് മോഹന്‍ലാല്‍, സുനില്‍ ഷെട്ടി, പ്രഭു, അര്‍ജുന്‍, ഫാസില്‍, സുനില്‍ ഷെട്ടി, മഞ്ജു വാര്യര്‍, കീര്‍ത്തി സുരേഷ്, കല്യാണി പ്രിയദര്‍ശന്‍, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കര്‍, ഹരീഷ് പേരാടി തുടങ്ങിയ വലിയ താരനിരയാണ് ഉള്ളത്.
Marakkar Arabikkadalinte Simham postponed to August 12th. The magnum opus directed by Priyadarshan is releasing in 5 languages.