‘മാലിക്’ ഒരുങ്ങിയതിങ്ങനെ, മേക്കിംഗ് വിഡിയോ കാണാം
മഹേഷ് നാരായണന്‍ തിരക്കഥയെഴുതി സംവിധാനം ചെയ്‍ത് ഫഹദ് ഫാസില്‍ മുഖ്യ വേഷത്തില്‍ എത്തുന്ന ‘മാലിക്’ മികച്ച അഭിപ്രായങ്ങള്‍ സ്വന്തമാക്കുകയാണ്. വന്‍ മുതല്‍മുടക്കില്‍ ഒരുക്കിയ ചിത്രത്തിന് വലിയ വരവേല്‍പ്പാണ് ആമസോണ്‍ പ്രൈമില്‍ ലഭിച്ചിരിക്കുന്നത്. മികച്ച സംവിധാനത്തിനും ഛായാഗ്രഹണത്തിനും ഒപ്പം ഫഹദിന്‍റെ ഗംഭീര പ്രകടനമാണ് ചിത്രത്തില്‍ ഉള്ളത്. ഇപ്പോള്‍ മാലിക്കിന്‍റെ മേക്കിംഗ് വിഡിയോ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍.
ചില യഥാര്‍ത്ഥ സംഭവങ്ങളെ ആസ്പദമാക്കിയാണ് മാലിക്ക് ഒരുക്കിയത്. 1960 മുതല്‍ 2018 വരെയുള്ള കാലഘട്ടം ചിത്രത്തിലുണ്ട്. സുലൈമാന്‍ എന്ന കഥാപാത്രത്തിന്റെ 20 മുതല്‍ 57 വയസുവരെയുള്ള കാലയളവാണ് ഫഹദ് അവതരിപ്പിക്കുന്നത്. ചിത്രത്തിന്‍റെ തുടക്കത്തില്‍ 14 മിനുറ്റ് നീളുന്ന ഒറ്റ ഷോട്ട് മേക്കിംഗ് മികവിന്‍റെ ഉദാഹരണമായി എടുത്തുകാട്ടപ്പെടുന്നു.
നിമിഷ സജയനാണ് നായികാ വേഷത്തില്‍ എത്തുന്നത്. ഫഹദിനൊപ്പം നിമിഷയുടെ പ്രകടനവും കൈയടി നേടുകയാണ്. വിനയ് ഫോര്‍ട്ടും ദിനേഷ് പ്രഭാകറും പ്രധാന വേഷങ്ങളിലുണ്ട്. ജോജു ജോര്‍ജ്, ദിലീഷ് പോത്തന്‍, അപ്പനി ശരത്ത്, ഇന്ദ്രന്‍സ് എന്നിവര്‍ക്കൊപ്പം പഴയ സൂപ്പര്‍ സ്റ്റാര്‍ നായിക ജലജ തിരിച്ചു വരുന്ന ചിത്രം കൂടിയാണിത്.
ടേക്ക് ഓഫിന്‍റെ കലാസംവിധാനത്തിന് നാഷണല്‍ അവാര്‍ഡ് നേടിയ സന്തോഷ് രാമന്‍ കലാസംവിധാനം നിര്‍വഹിച്ചു. സാനു ജോണ്‍ വര്‍ഗീസ് ക്യാമറ കൈകാര്യം ചെയ്തു. സുഷിന്‍ ശ്യാമിന്റേതാണ് സംഗീതം.
Here is the making video for Fahadh Faasil starrer Malik. The movie directed by Mahesh Narayanan is now streaming on Amazon Prime.
0
