കന്നഡയില്‍ നിന്നുള്ള ബ്രഹ്മാണ്ഡ ചിത്രം കെജിഎഫ് 2ന്‍റെ ടീസര്‍ പുറത്തിറങ്ങി. ഈ വര്‍ഷം ഇന്ത്യന്‍ സിനിമാ പ്രേക്ഷകര്‍ ഏറ്റവും ആകാംക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് കെജിഎഫ് 2. പ്രശാന്ത് നീലിന്റെ സംവിധാനത്തില്‍ യഷ് മുഖ്യ വേഷത്തില്‍ എത്തുന്ന ചിത്രത്തിന്‍റെ ടീസര്‍ യൂട്യൂബില്‍ കൊടുങ്കാറ്റ് പോലെയാണ് പടര്‍ന്നത്. ആദ്യ 24 മണിക്കൂറില്‍ 8 കോടിക്ക് അടുത്ത് പ്രേക്ഷകരെ സ്വന്തമാക്കിയ ടീസര്‍ ഇപ്പോള്‍ 9 കോടിക്ക് മുകളില്‍ കാഴ്ചക്കാരെയും 50 ലക്ഷത്തിലധികം ലൈക്കും നേടിയിട്ടുണ്ട്. മറ്റൊരു ഇന്ത്യന്‍ ചിത്രത്തിന്‍റെ പ്രൊമോ വിഡിയോകള്‍ക്കും ലഭിക്കാത്ത സ്വീകാര്യതയാണ് ഇത്. യഷിന്‍റെ ജന്മദിനത്തിലാണ് കെജിഎഫ് 2-ന്‍റെ ആദ്യ ടീസര്‍ പുറത്തുവന്നിരിക്കുന്നത്
സഞ്ജയ് ദത്താണ് കെജിഎഫ് രണ്ടാം ചാപ്റ്ററിലെ പ്രധാന വില്ലന്‍. കന്നഡയില്‍ നിന്നുള്ള ആദ്യത്തെ ആഗോള ഹിറ്റ് എന്ന വിശേഷണമാണ് കെജിഎഫ് ചാപ്റ്റര്‍ ഒന്നിനുള്ളത്. കോളാര്‍ ഗോള്‍ഡ് ഫീല്‍ഡ് എന്നതിന്റെ ചുരുക്കെഴുത്താണ് കെജിഎഫ്. കോളാര്‍ സ്വര്‍ണ ഖനികളിലൊന്നിന്റെ ചരിത്രത്തെ ഭാവന കൂടി കൂട്ടിച്ചേര്‍ത്ത് അവതരിപ്പിക്കുന്ന കെജിഎഫ് സീരീസ് മലയാളം ഉള്‍പ്പടെ അഞ്ച് ഭാഷകളിലാണ് എത്തുന്നത്. രവീണ ടണ്ഡനാണ് ചിത്രത്തിലെ മറ്റൊരു മുഖ്യ വേഷത്തില്‍ എത്തുന്നത്.
KGF Chapter 2 making storm in Youtube. The Yash starer directed by Prashanth Neel will be out on Jan 8th.