നടൻ വിജയ് സേതുപതിയെ നായകനാക്കി ദേശീയ അവാർഡ് നേടിയ സംവിധായകൻ മണികണ്ഠൻ ഒരുക്കിയ ചിത്രം ‘കടൈസി വ്യവസായി’ ഇന്ന് തിയേറ്ററുകളിലെത്തി. കാക്കമുട്ടൈ എന്ന ചിത്രത്തിലൂടെ ശ്രദ്ധേയനാണ് മണികണ്ഠൻ. ആണ്ടവൻ കട്ടളൈ എന്ന ചിത്രത്തിനു ശേഷം മണികണ്ഠനും വിജയ് സേതുപതിയും ഒരുമിക്കുന്ന ചിത്രം കൂടിയാണിത്. വിജയ് സേതുപതിക്കൊപ്പം 85 കാരനായ നല്ലാണ്ടി എന്ന കർഷകൻ പ്രധാന വേഷത്തിൽ അഭിനയിക്കുന്ന ചിത്രത്തിന്റെ പ്രിവ്യു ഷോക്കു മികച്ച അഭിപ്രായമാണ് ലഭിച്ചത്. ചിത്രത്തിന്റെ കേരള തിയറ്റര്‍ ലിസ്റ്റ് കാണാം.
വിജയ് സേതുപതിയുടെ കൂടുതൽ തമാശ രംഗങ്ങൾ ഉള്ള ചിത്രമാണിതെന്ന് അണിയറ പ്രവര്‍ത്തകര്‍ പറയുന്നു. വിജയ് സേതുപതിയാണ് ചിത്രം നിർമിച്ചിരിക്കുന്നത്. അദ്ദേഹത്തിന്റെ പ്രൊഡക്ഷൻ ഹൗസായ വിജയ് സേതുപതി പ്രൊഡക്ഷൻസ് അതിന്റെ ട്വിറ്റർ ഹാൻഡിലിലൂടെയാണ് ചിത്രത്തിന്റെ റിലീസ് തീയതി പ്രഖ്യാപിച്ചത്. യോഗി ബാബുവും ചിത്രത്തിൽ അഭിനയിക്കുന്നുണ്ട്. ജുംഗ, മാമനിതൻ തുടങ്ങിയ ചിത്രങ്ങളിൽ വിജയ് സേതുപതി അഭിനയിച്ചുകൊണ്ടിരിക്കെ, 2018ൽ ചിത്രീകരിച്ച ചിത്രമാണ് ഇത്.
എം മണികണ്ഠൻ രചനയും സംവിധാനവും നിർമ്മാണവും നിർവ്വഹിച്ചതാണ് കടൈസി വ്യവസായി, കർഷകരുടെ യഥാർത്ഥ ജീവിതവും അവർ അഭിമുഖീകരിക്കുന്ന പ്രതിസന്ധികളുമൊക്കെ ഇന്നത്തെ സാമൂഹിക വ്യവസ്ഥയിലൂടെ സംവിധായകൻ പ്രേക്ഷകരിലേക്കെത്തിക്കുന്നു. എന്നും മികച്ച സിനിമകൾ സമ്മാനിച്ച സംവിധായകൻ മണികണ്ഠന്റെ ഈ ചിത്രവും പ്രേക്ഷകന്റെ മനസ്സിൽ തങ്ങിനിൽക്കുന്ന ഒരു കഥ പറയുമെന്നുറപ്പ്. സംഗീതം- സന്തോഷ് നാരായൺ, റിച്ചാർഡ് ഹാർവി, എഡിറ്റർ – ബി.അജിത്കുമാർ, ആർട്ട് ഡയറക്ടർ : തോട്ട ധരണി, സൗണ്ട് ഡിസൈൻ : അജയൻ അടാട്ട്, ലിറിക്‌സ് – അറിവ്, എക്സിക്യൂട്ടീവ് പ്രൊഡ്യൂസർ – എം.ശിവകുമാർ, സൗണ്ട് മിക്സിങ് : എം ആർ രാജകൃഷ്ണൻ, വാർത്താ പ്രചരണം : പ്രതീഷ് ശേഖർ
Here is the Kerala theater list for Vijay Sethupathi starrer Kadaisi Vyavasaayi. The M Manikandan directorial has Yogi Babu in a pivotal role.