സത്യന്‍ അന്തിക്കാടിന്‍റെ സംവിധാനത്തില്‍ ജയറാമും മീരാ ജാസ്മിനും മുഖ്യവേഷങ്ങളിലെത്തുന്ന ചിത്രത്തിന്‍റെ ടൈറ്റില്‍ പ്രഖ്യാപിച്ചു. ‘മകള്‍’ എന്ന പേരിലാണ് ചിത്രമെത്തുക. മീര ജാസ്മിന്‍റെ ഏറെ വര്‍ഷങ്ങള്‍ക്കു ശേഷമുള്ള മടങ്ങിവരവ് എന്ന നിലയില്‍കൂടി ശ്രദ്ധേയമായ ചിത്രത്തിന്‍റെ ഷൂട്ടിംഗ് ഉടന്‍ അവസാനിക്കും.
ഇന്നസെന്‍റ്, ദേവിക, ശ്രീനിവാസൻ, സിദ്ദിഖ് എന്നിവരാണ് ചിത്രത്തിലെ മറ്റ് പ്രധാന വേഷങ്ങളിലെത്തുന്നത്. എറണാകുളമാണ് പ്രധാന ലൊക്കേഷന്‍. ‘സെൻട്രൽ പ്രൊഡക്ഷൻസാണ്’ നിർമ്മാതാക്കൾ. ഡോ. ഇക്‌ബാൽ കുറ്റിപ്പുറത്തിന്റേതാണ് രചന. എസ്. കുമാറാണ് ഛായാഗ്രാഹണം നിർവഹിക്കുന്നത്. ചിത്രം തിയറ്ററുകളിലൂടെ തന്നെയായിരിക്കും റിലീസ് എന്ന് സത്യന്‍ അന്തിക്കാട് ഫേസ്ബുക്ക് പോസ്റ്റിലൂടെ വ്യക്തമാക്കി.
Sathyan Anthikkad’s Jayaram- Meera Jasmin movie titled ‘Makal’. Devika Sanjay essaying a pivotal role.