ഏറെക്കാലമായി വന്‍ ഹിറ്റിനായി കൊതിക്കുന്ന വിക്രം ആരാധകര്‍ വലിയ പ്രതീക്ഷയോടെ കാത്തിരിക്കുന്ന ചിത്രമാണ് കോബ്ര. അജയ് ജ്ഞാനമുത്തു സംവിധാനം ചെയ്യുന്ന ഈ ചിത്രത്തില്‍ മുന്‍ ഇന്ത്യന്‍ ക്രിക്കറ്റ് താരം ഇര്‍ഫാന്‍ പത്താന്‍ വില്ലന്‍ വേഷത്തില്‍ എത്തുന്നു എന്നതും സവിശേഷതയാണ്. ഇപ്പോള്‍ ഇര്‍ഫാന്‍ അവതരിപ്പിക്കുന്ന ഫ്രഞ്ച് ഇന്‍റര്‍പോള്‍ ഉദ്യോഗസ്ഥനായ കഥാപാത്രത്തിന്‍റെ ലുക്ക് പോസ്റ്റര്‍ പുറത്തുവന്നിരിക്കുകയാണ്. വന്‍ ബജറ്റില്‍ ഒട്ടേറേ സവിശേഷതകളുമായാണ് കോബ്ര എത്തുന്നത്. 7 ഗെറ്റപ്പുകളില്‍ ചിത്രത്തില്‍ വിക്രം എത്തും. ശ്രിനീധി ഷെട്ടി നായികയാകുന്ന ചിത്രത്തിന് സംഗീതം നല്‍കുന്നത് എആര്‍ റഹ്മാനാണ്.
Wish you many more happy returns of the day dear @IrfanPathan sir
Super happy to have met and worked with such a warm and a caring person like you.. Wishing you only the besttt in the year ahead
— Ajay Gnanamuthu (@AjayGnanamuthu) October 27, 2020
വിയാകോം 18 സ്റ്റുഡിയോസും സെവന്‍ സ്‌ക്രീന്‍ സ്റ്റുഡിയോയും സംയുക്തമായി നിര്‍മിക്കുന്ന കോബ്രയിലൂടെ മലയാളി താരം സര്‍ജാനോ ഖാലിദ് കോളിവുഡില്‍ അരങ്ങേറുകയാണ്. നേരത്തേ കോബ്ര മേയില്‍ തിയറ്ററുകളില്‍ എത്തിക്കാനാണ് ശ്രമിച്ചിരുന്നത്. ചിത്രം ഒരു ഹൈ വോള്‍ട്ടേജ് ആക്ഷന്‍ ത്രില്ലറാണ്. എ ആര്‍ റഹ്മാനാണ് സംഗീതമൊരുക്കുന്നത്. ഗൗതം മേനോന്‍ സംവിധാനം ചെയ്ത വിക്രം ചിത്രം ധ്രുവനച്ചത്തിരവും ലോക്ക്ഡൗണ്‍ കഴിഞ്ഞാല്‍ തിയറ്ററുകളിലെത്തും. ആര്‍ എസ് വിമല്‍ സംവിധാനം ചെയ്യുന്ന മഹാവിര്‍ കര്‍ണയുടെ ഷൂട്ടിംഗും ആരംഭിച്ചിട്ടുണ്ട്. ഈ ചിത്രം ഹിന്ദിയിലും തമിഴിലുമായാണ് ഒരുക്കുന്നത്.
Chiyan Vikram appearing in many getups in this Ajay Gnanamuthu directorial Cobra. Irfan Pathan essaying the baddie. Here is the look poster for Irfan.
