വിനീത് ശ്രീനിവാസന്‍ സംവിധാനം ചെയ്ത് പ്രണവ് മോഹന്‍ലാലും കല്യാണി പ്രിയദര്‍ശനും ദര്‍ശന രാജേന്ദ്രനും മുഖ്യ വേഷങ്ങളില്‍ എത്തുന്ന ‘ഹൃദയം’ന്‍റെ സെന്‍സറിംഗ് പൂര്‍ത്തിയായി. കോവിഡ് മൂന്നാംതരംഗം ശക്തിപ്രാപിക്കുന്നത് കണക്കിലെടുത്ത് മറ്റ് പ്രമുഖ ചിത്രങ്ങളെല്ലാം റിലീസ് മാറ്റിയെഘങ്കിലും ജനുവരി 21ന് തന്നെ ചിത്രം എത്തുമെന്ന് അണിയറ പ്രവര്‍ത്തകര്‍ വ്യക്തമാക്കിയിട്ടുണ്ട്. ലോക്ക്ഡൌണോ കര്‍ഫ്യുവോ പ്രഖ്യാപിച്ചാല്‍ മാത്രമാണ് ഈ തീരുമാനത്തില്‍ മാറ്റമുണ്ടാകുക. 2 മണിക്കൂര്‍ 52 മിനുറ്റാണ് ചിത്രത്തിന്‍റെ റണ്ണിംഗ് ടൈം.
ഹിഷാം അബ്ദുള്‍ വഹാബാണ് ചിത്രത്തിന് സംഗീതം നല്‍കിയത്. മെറിലാന്‍റ് ആണ് ചിത്രത്തിന്‍റെ നിര്‍മാതാക്കള്‍.വിനീത് പഠിച്ച കോളെജ് തന്നെയാണ് ഹൃദയത്തിന്‍റെ ഒരു പ്രധാന ലൊക്കേഷന്‍. വിനീതിന്‍റെ ആത്മാംശം ഉള്ള കഥാപാത്രമാണ് പ്രണവ് ചെയ്യുന്നതെന്നാണ് സൂചന.നായകനായുള്ള തന്‍റെ രണ്ടാംചിത്രത്തിന്റെ പരാജയത്തിന് ശേഷം ഏറെ സമയമെടുത്ത് പ്രണവ് തെരഞ്ഞെടുത്ത ചിത്രത്തില്‍ വ്യത്യസ്തമായൊരു കഥാപാത്രമാണ് താരത്തിന്.
17 വയസു മുതലുള്ള ഒരു യുവാവിന്റെ ജീവിതം ചിത്രത്തിലുണ്ട്. ഇതിനനുസരിച്ച്‌ വ്യത്യസ്ത ഗെറ്റപ്പുകളില്‍ പ്രണവ് എത്തും. പൃഥ്വിരാജ് ചിത്രത്തിനായി ഒരു പാട്ട് പാടിയിട്ടുണ്ട്.
Vineeth Sreenivasan directorial Hridayam censored with clean U. Pranav Mohanlal, Kalyani Priyadarshan, and Darshana Rajendran essaying the lead roles.