തിരക്കഥാകൃത്തും നടനുമായ ബിബിന്‍ ജോര്‍ജ് നായകനാകുന്ന പുതിയ ചിത്രം മാര്‍ഗം കളി ഓഗസ്റ്റില്‍ തിയറ്ററുകളിലെത്തും.കുട്ടനാടന്‍ മാര്‍പ്പാപ്പ എന്ന ചിത്രം സംവിധാനം ചെയ്ത ശ്രീജിത് വിജയന്‍ സംവിധാനം ചെയ്യുന്ന ചിത്രം കോമഡി എന്റര്‍ടെയ്‌നര്‍ ആണെന്നാണ് സൂചന. നമിത പ്രമോദാണ് ചിത്രത്തിലെ നായിക. ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഷൈന്‍ അഗസ്റ്റിനാണ് നിര്‍മാണം.
കോമഡി സ്റ്റാര്‍സ് എന്ന പ്രോഗ്രാമിലൂടെ ശ്രദ്ധേയനായ ശശാങ്കനാണ് തിരക്കഥ ഒരുക്കിയത്. ധര്‍മജന്‍ ബോള്‍ഗാട്ടി, ശാന്തി കൃഷ്ണ, മല്ലിക സുകുമാരന്‍, ഇന്നസെന്റ്, രമേഷ് പിഷാരടി, സലിംകുമാര്‍, സുനില്‍ സുഖദ തുടങ്ങിയവരും പ്രധാന വേഷങ്ങളിലുണ്ട്. ഷൈന്‍ അഗസ്റ്റിനും ആല്‍വിന്‍ ആന്റണിയും ചേര്‍ന്നാണ് ചിത്രം നിര്‍മിക്കുന്നത്. ഷാഫി സംവിധാനം ചെയ്ത് ബിബിന്‍ ജോര്‍ജ് നായകനായി അരങ്ങേറിയ ‘ഒരു പഴയ ബോംബ് കഥ’ ശരാശരി വിജയം നേടിയിരുന്നു.
Bibin George starer MargamKali getting ready for release. Here is the first look poster. Sreejith Vijayan directorial. Namitha Pramod and Gouri Kishan as female leads.
