അരുണ്‍ ഗോപി സംവിധാനം ചെയ്യുന്ന പ്രണവ് മോഹന്‍ലാല്‍ ചിത്രം ഇരുപത്തൊന്നാം നൂറ്റാണ്ടിന്റെ ഫസ്റ്റ്‌ലുക്ക് പുറത്തിറങ്ങി. ചിത്രത്തില്‍ ഒരു പ്രധാന വേഷത്തില്‍ ഗോകുല്‍ സുരേഷുമുണ്ട്. പ്രണവിന്റെ ആദ്യ ചിത്രം ആദിയിലെ പോലെ തന്നെ മികച്ച മാര്‍ഷല്‍ സ്‌റ്റൈല്‍ ആക്ഷന്‍ ഇരുപത്തൊന്നാം നൂറ്റാണ്ടിലുമുണ്ടാകും. സ്റ്റൈലിഷ് ഗെറ്റപ്പിലാണ് പ്രണവ് ആദ്യ പോസ്റ്ററില്‍ എത്തുന്നത്.
സര്‍ഫിംഗില്‍ വൈദഗ്ധ്യമുള്ള ഒരു യുവാവായാണ് പ്രണവ് മോഹന്‍ലാല്‍ എത്തുന്നത്. ഇന്തോനേഷ്യയിലെ ബാലിയിലാണ് സര്‍ഫിംഗ് രംഗങ്ങള്‍ ചിത്രീകരിച്ചത്. നേരത്തേ സര്‍ഫിംഗിന് പഠനത്തിനായി ഒരു മാസത്തിലേറെ പ്രണവ് ചെലവഴിച്ചിട്ടുള്ളത്. ആദ്യ ചിത്രമായ ആദിയില്‍ പ്രണവിന്റെ പാര്‍ക്കൗര്‍ അഭ്യാസ പ്രകടനങ്ങള്‍ കൈയടി നേടിയിരുന്നു. ടോമിച്ചന്‍ മുളകുപാടം നിര്‍മിക്കുന്ന ചിത്രം റൊമാന്റിക് ആക്ഷന്‍ ഗണത്തില്‍ വരുന്നു.
About The Author
